Nacyjanalny bank z 1 lutaha 2007 h. ustanaŭlivaje staŭku refinansavańnia na ŭzroŭni 11 pracentaŭ hadavych. Adpaviednaja pastanova ad 29 studzienia 2007 №29 była pryniata Praŭleńniem hałoŭnaj bankaŭskaj ustanovy krainy.
«Pavieličeńnie staŭki refinansavańnia na adzin pracentny punkt, — havorycca ŭ pres‑relizie Nacbanka, — skiravana na pavyšeńnie dachodnaści aščadžeńniaŭ u nacyjanalnaj valucie i dalejšaje stymulavańnie rostu ŭkładaŭ nasielnictva i pradpryjemstvaŭ u bankach».
Ekanamist Źmicier Babicki miarkuje, što pavyšeńnie staŭki — prykmieta taho, što Biełaruś čakaje inflacyja. «Pavyšeńnie niaznačnaje, ale jano pryviadzie da pavyšeńnia staŭki kredytaŭ u kamercyjnych bankach, ciesna zaviazanych na staŭcy refinansavańnia».
Staŭka refinansavańnia vyznačajecca dla kamercyjnych bankach: h.zn. pracent, pad jaki banki majuć prava brać kredyty ŭ hałoŭnaj finansavaj ustanovy krainy, a potym pradavać kredyty nasielnictvu. Kožny kamercyjny bank potym vyznačaje svoj pracent, ale jon ciesna pryviazany da bazavaj staŭki.
Zaznačym, što ciaham niekalkich hadoŭ staŭka refinansavańnia pastajanna źnižałasia, što było prykmietaj umacavańnia rubla.
Tak u 2000 h. staŭka refinansavańnia niekalki razoŭ pavysiłasia, i na 21 lutaha 2000 h. skłała 175 pracentaŭ hadavych. 13 sakavika 2000 h. jana ŭžo składała 130 pracentaŭ hadavych, 20 krasavika 2000 h. — 110%, 22 traŭnia 2000 h . — 100%. 18 vieraśnia 2001 h. jana składała 48%, ale 10 studzienia 2002 h. była pavyšanaja da 66 pracentaŭ. Z hetaha času jana pastajanna źnižałasia.
Apošni raz staŭka refinansavańnia źnižałasia 29 listapada 2006 h.: z 10,5% da 10,0%.
