U Minskim mietrapalitenie abmiežavali prodaž žetonaŭ da dvuch štuk u adny ruki. Na niekatorych stancyjach pasažyram zamiest žetonaŭ prapanoŭvajuć tałon, pa jakim možna prajechać u mietro.
Jak paviedamiŭ načalnik słužby ruchu mietro Ryhor Jakimkaŭ, infarmacyja, što źjaviłasia ŭ presie ab płanavanym pavyšeńni ŭ chutkim časie koštu prajezdu ŭ hramadskim transparcie vyklikała ažyjatažny popyt na žetony dla pajezdki ŭ mietro. «Tamu my vymušany byli abmiežavać prodaž da dvuch žetonaŭ u adny ruki. Hetaje rašeńnie budzie dziejničać da ŭvachodžańnia ŭ siłu novaha taryfu», — skazaŭ Jakimkaŭ.
Jon taksama paviedamiŭ, što supracoŭniki mietro nazirajuć, jak pa niekalki razoŭ u čarhu pa žetony stanoviacca studenty, dla jakich ustanoŭleny biaspłatny prajezd, a taksama pažyłyja ludzi. Pradstaŭnik mietrapalitena zaznačyŭ, što dvuch žetonaŭ, kuplenych na adnoj stancyi, dastatkova dla prajezdu tudy i nazad.
Jak paviedamlałasia raniej, dziaržaŭnaja ŭstanova «Staličny transpart i suviaź» i dziaržaŭnaje pradpryjemstva «Minsktrans» unieśli ŭ Minekanomiki prapanovu pavysić košt adnoj pajezdki ŭ hramadskim transparcie da 1.850 rubloŭ da kanca hoda ŭ try etapy. Pra heta na
Načalnik
Pra toje, što košt prajezdu ŭ hramadskim transparcie Minska płanujecca pavialičyć z 1 listapada da 1.300 rubloŭ, paviedamiŭ na apieratyŭnaj naradzie ŭ Minharvykankamie 24 kastryčnika dyrektar HU «Staličny transpart i suviaź» Valeryj Škurataŭ, pieradało dziaržaŭnaje infarmacyjnaje ahienctva BiełTA. «My padrychtavali abhruntavańnie nieabchodnaści pavyšeńnia taryfaŭ da hetaha ŭzroŭniu. Dumaju, na praciahu tydnia takoje rašeńnie Minharvykankam prymie, zatym jano pavinna prajści ŭzhadnieńnie ŭ Ministerstvie ekanomiki i ekśpiertyzu ŭ Miniuście. Raniej, čym 1 listapada, my nie zmožam heta zrabić», — zaznačyŭ Škurataŭ.