Niezaležny žurnalist ź Minska Aleh Ražkoŭ admoviŭsia davać Hienieralnaj prakuratury tłumačeńni nakont svajoj prafiesijnaj dziejnaści.
Jak paviedamiŭ Ražkoŭ, 26 kastryčnika jon atrymaŭ pozvu z patrabavańniem źjavicca ŭ Hienprakuraturu na nastupny dzień. «Pozvu padpisaŭ užo viadomy ŭ žurnalisckich kołach savietnik justycyi Pavieł Jelisiejeŭ — jon raniej nieadnarazova vynosiŭ kaleham papiaredžańni za supracoŭnictva z zamiežnymi ŚMI», — adznačyŭ Ražkoŭ.
Ranicaj 27 kastryčnika žurnalist pryjšoŭ u Hienprakuraturu. «Ja spytaŭ u Jelisiejeva, navošta vyklikany. Jon mnie adkazaŭ, što ja vyklikany dla davańnia tłumačeńniaŭ nakont majoj žurnalisckaj dziejnaści. Ja spytaŭ, jakija ŭ mianie ŭ hetym vypadku pravy. Pravy mnie byli rastłumačany, u tym liku prava admovicca ad tłumačeńniaŭ. Ja hetaje prava skarystaŭ», — skazaŭ Ražkoŭ. Paśla admovy ad davańnia pakazańniaŭ žurnalista adpuścili z Hienprakuratury biez składańnia niejkich papier i biez vyniasieńnia papiaredžańnia.
Pavodle infarmacyi Ražkova, anałahičnyja pozvy ŭ Hienprakuraturu atrymali jašče dva niezaležnyja žurnalisty: Alina Radačynskaja vyklikana na 27 kastryčnika, Alaksandr Barazienka — na
