Ranicaj 28 kastryčnika Hienieralnuju prakuraturu naviedaŭ teležurnalist Aleś Barazienka. Hutaryŭ ź im daradca justycyi Pavieł Jelisiejeŭ, jaki padpisaŭ vyklik u prakuraturu.
«Mianie raspytvali, ci supracoŭničaju ja z telekanałam Biełsat, ci pracuju razam z Alinaj Radačynskaj i h.d., — raspavioŭ žurnalist
U vusnaj razmovie, miž tym, daradca justycyi potym davodziŭ žurnalistu, što prakuratura — nie karny orhan, a ŭstanova, jakaja sočyć za vykanańniem zakonaŭ. I što, admaŭlajučysia ad supracy ź joj, Aleś Barazienka pavodzić siabie «antysacyjalna».
U cełym hutarka doŭžyłasia kala 20 chvilin, paśla čaho žurnalista adpuścili biez vyniasieńnia papiaredžańnia.
Z takim ža vynikam, nahadajem, 27 kastryčnika naviedaŭ prakuraturu kaleha Alesia — Aleh Ražkoŭ. A voś žurnalistka Alina Radačynskaja atrymała piśmovaje papiaredžańnie.
Na dumku Alesia Barazienki, vyniki vizitaŭ roźnilisia, bo jon i Ražkoŭ užo majuć na svaim rachunku piśmovyja papiaredžańni, a Alina pakul nie mieła.
