Nahadajem, što RUVP «Baranavickaja abutkovaja fabryka «Rytm», jakaja raniej uvachodziła ŭ kancern «Biellehpram», vyrablała žanočy i mužčynski abutak, a taksama biercy, u asnoŭnym pa davalnickich zamovach pradpryjemstva «Aktyŭ Šuz». Z 2004 hoda z-za straty rynkaŭ zbytu finansavyja pakazčyki pradpryjemstvy pahoršylisia, fabryka pracavała tolki na davalnickaj syravinie. Da 2011 hoda zapazyčanaść «Rytma» pierad biudžetam dasiahnuła dvuch miljardaŭ rubloŭ.
Pradpryjemstva było pradadziena ŭ červieni 2011 hoda pa rasparadžeńni prezidenta zamiežnamu pradpryjemstvu «Aktyŭ Šuz» za adnu bazavuju vieličyniu.
Z prychodam novaha ŭłaśnika fabryka pahasiła zapazyčanaść, całkam pierajšła na vytvorčaść abutku śpiecyjalnaha pryznačeńnia, pačała ramont administracyjnych budynkaŭ i vytvorčych pamiaškańniaŭ, padvysiła ŭ dva razy zarabotnuju płatu supracoŭnikam.
Jak paviedamili na pradpryjemstvie, tolki za apošnija try miesiacy štat pradpryjemstva pavialičyŭsia z 75 da 110 pracaŭnikoŭ. U bližejšy čas z ŭvodu druhoha kanviejera pa pašyvie mužčynskaha abutku fabrycy spatrebicca jašče kala 50 śpiecyjalistaŭ.
Na ramont fabryki i pieraasnaščeńnie vytvorčaści ŭłaśnik płanuje nakiravać kala 3 młrd rubloŭ na praciahu piaci hadoŭ. Heta daść mahčymaść da 2015 hoda zahruzić prajektnyja mahutnaści na tracinu i pavialičyć vytvorčaść da 300 tysiač par abutku ŭ hod.
