30 kastryčnika na praśpiekcie Pieramožcaŭ śviatkavali Dzień aŭtamabilista.
U hałoŭnym aficyjoznym miescy Minska, la steły, dzie zvyčajna prachodziać parady, adbylisia bajk- i aŭtašou, publiku zabaŭlali muzyčnyja hurty «Drazdy» i «No Comment Band», a asiłak Kirył Šymko zrušyŭ ź miesca 55-tonny BiełAZ ź simvolikaj BRSM. Śpiecyjalnym hościem na śviata byŭ zaprošany hruzinski śpiavak i aktor Vachtanh Kikabidze.
Usio b ničoha, tolki adbyvałasia heta ŭ Dzień pamiaci prodkaŭ.
Šou-prahrama išła adnačasova z šeściem u Kurapaty, uskładańniem kvietak da mahił achviaraŭ stalinizmu, ustalavańniem kryžoŭ. Navat cikava: ci mieła b miesca takoje vyznačalnaje dla krainy śviata, jak Dzień aŭtamabilista, kab nie treba było stvaryć procivahu «biasčynstvam apazicyi»?