ANT «źniaŭ» siužet z Varšavy ŭ minskim Pałacy moładzi 15

Žurnalisty padmanuli hledačoŭ, pakazaŭšy ŭ kadry z tabličkaj «Polšča» Marmurovuju zału ŭstanovy, što mieścicca na Staravilenskim trakcie ŭ Minsku.

«Varšavu zachapili… kotki» — siužet z takoj nazvaj vyjšaŭ 1 listapada na telekanale ANT. Dyktar raspaviadaje pra suśvietnuju vystavu kotak, jakaja nibyta adbyvajecca ŭ stalicy Polščy. Ale ŭ kadrach hledačam pakazvajuć zusim nie Varšavu, a minski Pałac moładzi.

Vystavy kotak u Pałacy moładzi sapraŭdy pravodziacca vielmi časta. Ale navat mahija telebačańnia (i tablička «Polšča» ŭ levym vierchnim kutku ekrana) nie zdolnaja pieranieści telehledačoŭ ź Minsku ŭ Varšavu.

Tym nie mienš, na staroncy internet-sajta ANT, dzie raźmieščany siužet, Polšča zhadvajecca try razy dy jašče adzin raz — Varšava. Jeŭraradyjo nie ŭdałosia znajści ŭ internecie infarmacyju pra vystavu kotak, jakaja prachodziła b u Varšavie 1 listapada 2011 hoda.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH