Kolkaść bankaŭskich płastykavych kartak, što znachodziacca ŭ abaračeńni ŭ Biełarusi, pa stanie na 1 kastryčnika 2011 hoda skłała 9 młn. 799 tysiač. U tym liku 4 młn. 100,1 tys. kartak sistemy «BiełKart», 5 młn. 698,8 tys. kartak mižnarodnych płaciežnych sistem, 31 kartka ŭnutranych pryvatnych płaciežnych sistem,
paviedamlajecca na sajcie Nacyjanalnaha banka Biełarusi.
Na 1 kastryčnika 2011 hoda 24 banki emitavali bankaŭskija płastykavyja kartki ŭnutranych, mižnarodnych i ŭnutranych pryvatnych płaciežnych sistem.
U Biełarusi ŭstanoŭleny 3.239 bankamataŭ, 3.095 infakijoskaŭ i 80 impryntaraŭ, 23.168 arhanizacyj handlu i servisu asnaščanyja 36.806 płaciežnymi terminałami.
Za dzieviać miesiacaŭ 2011 hoda na terytoryi Biełarusi ažyćcioŭlena bolš jak 421 młn. apieracyj z vykarystańniem bankaŭskich płastykavych kartak u biełaruskich rublach na 60.820.387 młn. rubloŭ. Udzielnaja vaha bieznajaŭnych apieracyj u ahulnaj kolkaści apieracyj z vykarystańniem bankaŭskich płastykavych kartak skłała 55,4%, a ŭ sumarnym vyražeńni — 14,7%.
Ahulnaja kolkaść apieracyj u zamiežnaj valucie za dzieviać miesiacaŭ 2011 hoda skłała bolš jak 1,5 młn. apieracyj na 618 młn. 111,7 tys. dołaraŭ ZŠA. Udzielnaja vaha bieznajaŭnych apieracyj u ahulnaj kolkaści apieracyj z vykarystańniem kartak u zamiežnaj valucie skłała 21,5%, a ŭ sumarnym vyražeńni — 9,2%.