Apranajuć «partyzanaŭ» u «padmienny fond» — panošanaje abmundziravańnie.
Prahlad navin dziaržaŭnaha TB na vajskovych vučeńniach.
Na tearetyčnych zaniatkach pa ahniavoj padrychtoŭcy.
Son paśla naradaŭ u vajskovym namiocie.
Pieradysłakacyja.
Inžyniernaja padrychtoŭka — ryć akopy jašče navučajuć...
Na zaniatkach pa radyjacyjnaj i chimičnaj biaśpiecy.
Kidańnie hranat adpracoŭvajuć na faniernych mišeniach.
Ahniavaja padrychtoŭka.
Mišeń.
Aŭtamaty, ź jakimi niechta słužyŭ terminovuju słužbu jašče ŭ SSSR.
Partyzany terytaryjalnaj abarony.
U vojsku ich kličuć «partyzany» — cyvilnyja ludzi, jakija ŭžo daŭno adsłužyli ŭ vojsku. Amal usie paśpieli ažanicca i naradzić dziaciej, zajmieć sacyjalny status i stałuju pracu. Ale, jak i ź dziasiatak hod tamu, vajenkamat ich vyklikaje na vučeńni. Dla bolšaści z takich «partyzanaŭ» heta dadatkovy tłum da paŭsiadzionnych spraŭ, ale vyjścia niama — prychodzicca jechać i «adbyvać» nieabchodny termin. Mienavita jany — byłyja vajskoŭcy i nabuduć u budučyni «usienarodny charaktar» vojskaŭ terytaryjalnaj abarony, jakija Łukašenka zusim niadaŭna pačaŭ stvarać.
Rečavy skład vajskovaj častki vydaje im patrymanuju vopratku ad minułych «dziembielaŭ», kazarma i łožki padrychtavanyja, a nazaŭtra ŭžo pačynajucca zaniatki. Aŭtamaty, jakim pa 20–30 hadoŭ, dla «cyvilnych sałdat» vydajuć z vajskovych častak. Vidać, niechta ź imi słužyŭ i svaju terminovuju słužbu jašče za časami SSSR. Pra sučasnuju zbroju i ryštunak niama navat i havorki — usio na «bałansie» terminovych vajskoŭcaŭ i śpiecyjalizavanych častak, chacia i tam spravy nie lepšyja. Kaskam i sapiornym rydloŭkam ŭvohule hadoŭ pad 40 — z «Chałodnaj vajny».