Pasoł Polščy: dla palapšeńnia adnosin z Zachadam vystaŭlenyja minimalnyja ŭmovy 7

Krytyka z boku zachodnich krain i mižnarodnych arhanizacyj situacyi ŭ Biełarusi nie źjaŭlajecca zmovaj suprać krainy. Pra heta zajaviŭ pasoł Polščy ŭ Biełarusi Lešaka Šarepka 16 listapada na pres-kanfierencyi ŭ Minsku, paviedamlaje BiełaPAN.

«Demakratyčny śviet adkryta kaža, što dumaje ab situacyi ŭ Biełarusi. Treba ž prysłuchoŭvacca. Rašeńnie za vami», —

skazaŭ jon.

Pasoł adznačyŭ, što Jeŭrasajuz pa-raniejšamu hatovy da supracoŭnictva ź Biełaruśsiu. «Naša stratehija ŭ dačynieńni da Biełarusi nie źmianiłasia — my chočam, kab Biełaruś bolš ciesna supracoŭničała ź Jeŭropaj. U nas jość mnostva placovak dla supracoŭnictva», — skazaŭ dypłamat.

Pavodle jaho słoŭ,

tavaraabarot Biełarusi i ES «heta značna bolš, čym ź Vieniesuełaj»

, — padkreśliŭ Šarepka.

U toj ža čas jon adznačyŭ, što paśla prezidenckich vybaraŭ u Biełarusi staŭleńnie suśvietnaj supolnaści da krainy źmianiłasia.

«Nielha ž paśla vybaraŭ sadžać u turmu supiernikaŭ i kazać, što jany bandyty.

Piać-šeść kandydataŭ u prezidenty apynulisia ŭ turmie paśla vybaraŭ. Kali jany bandyty, čamu jany ŭdzielničali ŭ vybarach, a kali nie bandyty, čamu jany siadziać u turmie?» — spytaŭ dypłamat.

Pry hetym Šarepka padkreśliŭ, što

dla palapšeńnia adnosin Biełarusi z Zachadam vystaŭlenyja minimalnyja ŭmovy. «Vy pavinny raźvivacca zhodna z tym demakratyčnym standartam, jakija jość u statucie AAN.

Biełaruś źjaŭlajecca adnym ź jaje zasnavalnikaŭ. Čamu ž nie vykonvaje tyja rečy, pad jakimi sama padpisałasia?» — skazaŭ Šarepka.

Taksama Šarepka, jak piša «Ježiednievnik» paćvierdziŭ infarmacyju, što Jeŭrasajuz razhladaje mahčymaść zaniasieńnia novych proźviščaŭ u śpis nieŭjaznych biełaruskich čynoŭnikaŭ.

Nahadajem, 14 listapada bruselskaje internet-vydańnie EUobserver sa spasyłkaj na krynicu ŭ jeŭrapiejskich dypłamatyčnych kołach paviedamiła, što

Jeŭrasajuz moža dadać u śpis nieŭjaznych biełaruskich čynoŭnikaŭ prem'jer-ministra Michaiła Miaśnikoviča, jaho namieśnika Uładzimira Siamašku i staršyniu Dziaržpamiežkamiteta Ihara Račkoŭskaha.

Akramia taho, paviedamiŭ EUobserver,

śpis mohuć papoŭnić biełaruskija biznesmeny, nabližanyja da Łukašenki.

U ich liku nazyvajucca

ŭładalnik hrupy kampanij «Trajpł» Juryj Čyž, staršynia savieta dyrektaraŭ AAT «Amkador», člen savieta respubliki Alaksandr Šakucin, uładalnik kampanii «Tytuń-Inviest» i brenda «Karona» Pavieł Tapuzidzis, hiendyrektar SP TAA «Santa-Impeks Brest» Alaksandr Mašenski.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH