Biełaruskaja supolnaść ładzić imprezy da120-ch uhodkaŭ Maksima Bahdanoviča. U Horkach takaja viečaryna adbyłasia ź inicyjatyvy miascovaha pradprymalnika, siabraKCHP-BNF Viktara Karalkova.
Prapanovu Karalkova padtrymała administracyja rajonnaha domu kultury, u jakim i prachodziła viečaryna. A napiaredadni dziesiać miascovych biznesoŭcaŭ abviaścili akcyju — toj, chto budzie mieć kvitok ź imprezy, atrymaje źnižku na ich tavary j pasłuhi.
Karalkoŭ: «Ja chaču, kab ludzi paviarnulisia da Biełarusi, kab biełaruščyna stała dla ich absalutnaj kaštoŭnaściu. Mianie ŭściešyła, što inšyja pradprymalniki adhuknulisia na našu prapanovu. Spadziajusia, takim čynam my zakładziem tradycyju achviaravańniaŭ na karyść Baćkaŭščyny. Uściešyła mianie j toje, što na viečarynu pryjšło stolki ludziej dy jašče ŭ takuju niepahadź. I dziaciej mnohija pryviali. Heta nie apošniaja impreza da jubileju Bahdanoviča — buduć jašče».
Pasłuchać vieršy dy pieśni na słovy Bahdanoviča, a taksama pryśviečanyja jamu, u dom kultury pryjšło bolš za piaćdziasiat čałaviek. Siarod ich byŭ zaŭvažany i namieśnik staršyni
