Bolš jak 90% akcyj adkrytaha akcyjaniernaha tavarystva «Minpłast» (Minsk) piarojduć va ŭłasnaść hramadzianina Rasijskaj Fiederacyi, paviedamiła pres-słužba Dziaržkammajomaści.
Novy ŭładalnik aktyvaŭ biełaruskaha pradpryjemstva maje prapisku va Uładzivastoku. Jon pahadziŭsia nabyć pakiet z 59.306 akcyj (92,2% statutnaha fondu) pradpryjemstva pa pačatkovaj canie prodažu, pavialičanaj na 5%. Niahledziačy na toje što abjaŭleny na 17 listapada 2011 hoda aŭkcyjon pa prodažu akcyj AAT «Minpłat», što naležać Biełarusi, nie adbyŭja z-za adsutnaści dźviuch i bolš zajavak, adzinamu zarehistravanamu ŭdzielniku tarhoŭ było prapanavana nabyć akcyi za 2 młrd. 623 młn. 320 tys. rubloŭ. Pakupnik abaviazany da 23 listapada 2011 hoda kampiensavać zatraty na arhanizacyju i praviadzieńnie aŭkcyjonu ŭ 1 młn. 166 tys. 400 rubloŭ i pradstavić Dziaržaŭnamu kamitetu pa majomaści Biełarusi zavieranuju naležnym čynam kopiju płaciežnaha dakumienta, jaki paćviardžaje kampiensacyju zatrat na arhanizacyju i praviadzieńnie aŭkcyjonu. Dahavor kupli-prodažu pakieta akcyj AAT «Minpłast» pavinien być padpisany da 7 śniežnia 2011 hoda.
AAT «Minpłast» stvorana šlacham pryvatyzacyi abjekta respublikanskaj ułasnaści vytvorča-navukovaha respublikanskaha ŭnitarnaha pradpryjemstva «Minpłast» u 2009 hodzie. Asnoŭnym vidam dziejnaści źjaŭlajecca vytvorčaść škłopłastykavaj armatury, jakaja vykarystoŭvajecca ŭ budaŭnictvie ŭzamien tradycyjnaj mietaličnaj armatury. Abjom vyručki ad vytvorčaści škłopłastykavaj armatury składaje 97%. Inšy vid dziejnaści, što ažyćciaŭlajecca pradpryjemstvam, — technałahičnaje absłuhoŭvańnie i ramont aŭtamabilaŭ.
Taksama da 7 śniežnia 2011 hoda pavinien być padpisany dahavor kupli 48.487 akcyj (24% statutnaha fondu) adkrytaha akcyjaniernaha tavarystva «Pinski dośledna-miechaničny zavod». Zajava na ŭdzieł u abvieščanym na 17 listapada 2011 hoda aŭkcyjonie pa prodažy akcyj nazvanaha pradpryjemstva była padadziena tolki adnym udzielnikam — tavarystvam z abmiežavanaj adkaznaściu «Bielinviesthandal» (Brest).
Pačatkovaja cana prodažu pakieta akcyj AAT «Pinski dośledna-miechaničny zavod» skłała 2 młrd. 426 młn. 737 tys. rubloŭ. Cana prodažu, pavialičanaja na 5%, skłała 2 młrd. 548 młn. 73 tys. rubloŭ. Pakupnik taksama abaviazany kampiensavać zatraty na arhanizacyju i praviadzieńnie aŭkcyjonu.
Maryna Nosava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
