Sudovaje śledstva pa spravie byłoha kamandujučaha VPS Azaronka zaviaršajecca 4

U pracesie pa spravie byłoha kamandujučaha Vajenna-pavietranymi siłami i vojskami supraćpavietranaj abarony Uzbrojenych sił Biełarusi hienierał-majora Ihara Azaronka zaviaršajecca sudovaje śledstva. Pra heta BiełaPAN paviedamili ŭ vajennaj kalehii Viarchoŭnaha suda, jakaja razhladaje spravu.

Sprava ŭ dačynieńni da Azaronka i niejkaha hramadzianina Rasii A. A. Maškaŭcana słuchajecca ŭ sudzie z 25 kastryčnika. Praces prachodzić u zakrytym režymie.

Nahadajem, Ihar Azaronak abvinavačvajecca va ŭčynieńni złačynstva, praduhledžanaha č. 3 art. 430 KK (atrymańnie chabaru ŭ asabliva bujnym pamiery) i č. 2 art. 295 KK (niezakonnyja dziejańni adnosna bojeprypasaŭ); Maškaŭcan — č.č. art. 16 (saŭdzieł u złačynstvie), č. 3 art. 430 (padbuchtorvańnie i pamahańnie ŭ atrymańni chabaru ŭ asabliva bujnym pamiery) KK.

Pavodle nieaficyjnaj infarmacyi, Ihar Azaronak byŭ zatrymany 20 ci 21 śniežnia 2010 hoda. Spačatku jon padazravaŭsia va ŭčynieńni złačynstva, praduhledžanaha art. 455 KK (złoŭžyvańnie ŭładaj, pieravyšeńnie ŭłady abo biaździejańnie ŭłady). Zatym jamu było vystaŭlena abvinavačańnie ŭ atrymańni chabaru ŭ asabliva bujnym pamiery (č. 3 art. 430 KK).

Ad pasady kamandujučaha VPS i vojskaŭ SPA Azaronak byŭ vyzvaleny ŭkazam prezidenta 11 studzienia 2011 hoda.

Sprava rasśledavałasia hałoŭnym śledčym upraŭleńniem papiaredniaha rasśledavańnia MUS Biełarusi. Što kankretna inkryminujecca byłomu kamandujučamu, nie paviedamlałasia.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH