Pra heta paviedamiŭ časovy pavierany ŭ spravach Balivaryjanskaj Respubliki Vieniesueła ŭ Biełarusi Amieryka Dyjas Nuńjes. Praduhledžvajecca, što adkryćcio pasolstva adbudziecca ŭ pieršym kvartale 2007 hoda.
Pavodle acenki dypłamata, apošnim časam uzrovień adnosin pamiž dźviuma krainami istotna pavysiŭsia. «Jość vialikija pierśpiektyvy i realnyja ŭmovy dla pašyreńnia ekanamičnaha, kulturnaha i palityčnaha ŭzajemadziejańnia. Vieniesuelski ŭrad ličyć supracoŭnictva ź Biełaruśsiu ŭ mnohich halinach stratehičnym», — padkreśliŭ Amieryka Dyjas Nuńjes.
Jak adznačyŭ časovy pavierany, Biełaruś i Vieniesueła majuć padobnyja pohlady adnosna madeli sacyjalnaha raźvićcia i nieabchodnaści pabudovy šmatpalarnaha śvietu.
4 lutaha 2007 h. spoŭniłasia 10 hadoŭ z dnia ŭstanaŭleńnia dypłamatyčnych adnosin pamiž Biełaruśsiu i Vieniesuełaj.
Pavodle infarmacyi Ministerstva zamiežnych spraŭ, asnovu biełaruskaha ekspartu ŭ Vieniesuełu ŭ 2006 hodzie skłali pastaŭki kalijnych uhnajeńniaŭ i hruzavych aŭtamabilaŭ. U lipieni 2006 hoda adbyŭsia aficycjny vizit u Biełaruś prezidenta Balivaryjanskaj Respubliki Vieniesueła Uha Čaviesa, u čas jakoha dasiahnuty važnyja damoŭlenaści ab stvareńni stratehičnaha aljansu dźviuch krain, sumiesnaj realizacyi prajektaŭ u handlova‑ekanamičnaj i inšych śfierach.
