Kryminalnaja sprava za rabavańnie (č. 1 art. 206 KK) raspačata ŭ Frunzienskim RUUS Minska ŭ dačynieńni da 20-hadovaha minčanina.
Jak paviedamiła pres-aficer rajonnaha ŭpraŭleńnia ŭnutranych spraŭ Ała Hałubovič, u noč z 19 na 20 listapada 18-hadovaja dziaŭčyna viartałasia z pracy i na prypynačnym punkcie pa vulicy Kaleśnikava čakała tralejbusa. U hety čas da jaje padyšoŭ nieznajomy chłopiec i pacikaviŭsia, kolki času. Adkazaŭšy na pytańnie, dziaŭčyna adviarnułasia ŭ inšy bok, prademanstravaŭšy niežadańnie razmaŭlać.
Nieznajomiec schapiŭ sumku, što lažała pobač ź joju, i kinuŭsia ŭciakać cieraz prajeznuju častku na zabaranialny sihnał śviatłafora.
Dabracca na advarotny bok vulicy chłopcu nie ŭdałosia — jon trapiŭ pad aŭtobus.
Zaraz raniej sudzimy małady čałaviek, jaki vyjšaŭ, jak jon kaža, nočču pahulać pa svaim rajonie, znachodzicca ŭ balnicy z čerapna-mazhavoj traŭmaj lohkaj stupieni.
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH