Uviečary 5 lutaha Ministerstva ekanomiki Biełarusi raźmiaściła na svaim sajcie infarmacyju pra pastanovu ad 31 studzienia № 26 «Pra taryfy na pasłuhi pa tranzytnamu transpartu nafty praz systemu mahistralnych trubapravodaŭ pa terytoryi Respubliki Biełaruś». Supiarečlivyja paviedamleńni pra hety dakument źjaŭlalisia na stužkach infarmacyjnych ahiencyjaŭ ciaham paniadziełka.
Maršrutam Unieča—Mazyr—Adamava (krainy pastavak — Niamieččyna dy Polšča) taryf za 1 tonu nafty neta pavialičvajecca z 2,6 da 3,5 dalary (na 34,6%), maršrutam Unieča—Mazyr—Brody (Vuhorščyna, Słavaččyna, Čechija, Ukraina) — z 1,14 da 1,5 dalary (na 31,6%).
Minekanomiki padkreślivaje, što taryfy pryniatyja «z raźliku siaredniaha ŭdzielnaha taryfu na transpart nafty praz systemu AAT «AK «Transnafta» praz terytoryju Rasiejskaj Federacyi — 0,6 dalara ZŠA za 1 tonu na 100 km maršrutu».
«Varta zaznačyć, — viadziecca ŭ paviedamleńni, — što ciapier taryfy za tranzyt nafty ŭ sumiežnych dziaržavach vyšej, čym uzrovień taryfaŭ u Respublicy Biełaruś. Takim paradkam, u Polščy taryf na tranzyt nafty ŭ napramku Niamieččyny — 0,9 dalara za 100 t/km, u Respublicy Biełaruś u dadzienym napramku — 0,41. Va Ŭkrainie taryf na tranzyt nafty ŭ napramku Vuhorščyny, Słavaččyny — 0,89 dalary, u Respublicy Biełaruś va ŭkazanym napramku — 0,53 dalara za 100 t/km. Taryf na tranzytnaje pierapampoŭvańnie kazaskaj nafty praz terytoryju Rasiejskaj Federacyi składaje 0,73 dalara za 100 t/km».
Fota Andreja Lankieviča
