Biełaruski bok vyznačyŭsia z techničnymi momantami pa małomu pryhraničnamu ruchu z Łatvijaj. Hetyja aśpiekty vyznačany Savietam Ministraŭ Biełarusi ŭ pastanovie numar 1576 ad 22 listapada 2011 hoda.
U pryvatnaści,
dakumient vyznačaje paradak składańnia śpisaŭ žycharoŭ pryhraničnych terytoryj Biełarusi i ŭzhadnieńnia śpisaŭ žycharoŭ takich terytoryj, jakija znachodziacca na łatvijskim baku.Śpisy buduć składacca kampietentnymi orhanami, jakija vyznačany biełaruska-łatvijskim mižuradavym pahadnieńniem, na padstavie zajaŭ ad samich hramadzian. Akramia taho, žycharam pryhraničnych terytoryj nieabchodna budzie pradastavić i šerah dakumientaŭ, siarod jakich kopija sapraŭdnaha pašparta hramadzianina Respubliki Biełaruś abo dakumienta dla vyjezdu za hranicu. Tyja, chto jašče nie dasiahnuŭ 16-hadovaha ŭzrostu abo niedziejazdolnyja, unosiacca ŭ śpisy na padstavie zajaŭ ad zakonnych pradstaŭnikoŭ. Paśla pryniaćcia zajavy, kampietentny orhan praviaraje infarmacyju ab miescy i terminach pražyvańnia hramadzianina. Taksama ŭdakładniajecca, ci jość u čałavieka padstavy dla šmatrazovaha naviedvańnia pryhraničnych terytoryj Łatvii.
Śpisy žycharoŭ pryhraničnych terytoryj buduć spačatku nakiroŭvacca ŭ Vierchniadźvinski, Mijorski i Brasłaŭski rajvykankamy, a potym u Viciebski abłvykankam.Hety orhan u svaju čarhu budzie pieradavać dakumienty ŭ Konsulstva Łatvii ŭ Viciebsku dla ŭzhadnieńnia z łatvijskim bokam. Anałahičnyja śpisy ŭ Łatvii buduć taksama pieradavacca ŭ Hienkonsulstva Biełarusi ŭ Daŭhaŭpiłsie dla ŭzhadnieńnia ź biełaruskimi ŭładami. Z dypmisii jany buduć pastupać u Viciebski abłvykankam, a potym va ŭžo nazvanyja rajvykankamy, jakija pieradaduć ich elektronnyja kopii dla ŭzhadnieńnia ŭ orhany ŭnutranych spraŭ i dziaržbiaśpieki. Pravaachoŭniki pavinny buduć praz 20 dzion paviedamlać ab vynikach uzhadnieńnia.
Heta pastanova ŭstupaje ŭ siłu z taho momantu, kali pačynaje dziejničać pahadnieńnie pamiž uradam Biełarusi i ŭradam Łatvii ab sproščanym paradku ŭzajemnych pajezdak žycharoŭ pryhraničnych terytoryj Respubliki Biełaruś i Łatvijskaj Respubliki ad 23 žniŭnia 2010 hoda.
0
0
0
0
0
0
