Lepšaha sa studenckaj moładzi vybieruć 25 listapada na I Respublikanskim konkursie «Student hoda». U finał uvajšli vosiem čałaviek — pieramožcy rehijanalnych adboračnych turaŭ (5 čałaviek) i Minska (3 čałavieki). Samyja paśpiachovyja ŭ vučobie, navucy, sporcie, tvorčaści, družbie stali pieramožcami konkursnych ispytaŭ. Udzielniki pavinny byli prademanstravać svaje ŭmieńni ŭ pramoŭnickim majsterstvie, pradstavić novyja maładziožnyja kreatyŭnyja prajekty. Im nieabchodna było pakazać siabie sapraŭdnymi maładziožnymi lidarami, jakija viaduć za saboj mocnuju źjadnanuju kamandu.
Ciapier hetym studentam treba budzie pakazać siabie ŭ finale, jaki projdzie ŭ Minsku ŭ licei BDU. Prahrama ispytaŭ uklučaje «vizitnuju kartku» udzielnikaŭ, interaktyŭnuju hulniu «Debaty», abaronu (prezientacyju) prajekta ŭdzielnika, spartyŭnuju estafietu, tvorčy numar luboha žanru z metaj raskryćcia talentaŭ i ŭmieńniaŭ udzielnikaŭ.
Adboračnyja tury ŭ VNU prajšli z krasavika pa maj va ŭsich rehijonach krainy i Minsku, a ź vieraśnia pa listapad byli vyznačany pieramožcy abłasnych adboračnych turaŭ prajekta.Heta mierapryjemstva znajšło vodhuk u moładzi —
bolš za 5 tysiač čałaviek pryniali ŭdzieł u adboračnych mierapryjemstvach.Bolš za 100 čałaviek stali pretendentami na finał, mienavita ź ich byli vybrany 8 finalistaŭ. U konkursie mahli pryniać udzieł studenty 1–5 kursaŭ vočnaj formy navučańnia vyšejšych navučalnych ustanoŭ, siaredni bał paśpiachovaści jakich pa vynikach navučalnaha hoda byŭ nie nižejšy za siem bałaŭ.
Adnačasova ŭ čas hetaha konkursu buduć padviedzieny vyniki i ŭznaharodžany pieramožcy respublikanskaha konkursu studenckich prajektaŭ «Jość — IDEJA, jość — PRAJEKT!», hałoŭnaj metaj jakoha źjaŭlałasia vyjaŭleńnie i padtrymka lepšych studenckich idej, prajektaŭ i mierapryjemstvaŭ u ramkach realizacyi dziaržaŭnaj maładziožnaj palityki.
Inicyjataram konkursu «Student hoda» vystupiŭ Respublikanski studencki saviet HA «BRSM». A jaho arhanizatarami źjaŭlajucca Ministerstva adukacyi i HA «Biełaruski respublikanski sajuz moładzi».
