U novym raskładzie ciahnikoŭ PKP Przewozy Regionalne paśla 10 śniežnia adsutničajuć spałučeńni ŭ kirunku na Hrodna. Jak paviedamlaje bialystok.gazeta.pl, z dnia na dzień pierastanuć kursavać pamiežnyja ciahniki PKP Przewozy Regionalne.
Da 10 śniežnia buduć jeździć dźvie pary ciahnikoŭ z Kuźnicy Biełastockaj na Hrodna i para ciahnikoŭ ź Biełastoka na Hrodna. Paśla ŭ raskładzie jany nie praduhledžanyja.
Taksama 62 ciahniki Regio (raniej asabovyja) pakul kursujuć tolki da 31 śniežnia, tamu što
pieravozčyk dahetul praciahvaje pieramovy z maršałkoŭskaj administracyjaj na temu dafinansavańnia.
U biudžecie vajavodstva na 2012 hod idzie razmova pra 15,5 miljonaŭ złotych z ułasnych prybytkaŭ i 5,7 miljonaŭ złotych z čyhunačnaha fondu.
Rehijanalnyja pieravozki chacieli b bolš jak minimum na 3 miljony złotych.
0
0
0
0
0
0