Nasuprać budynku Eŭrapiejskaj kamisii j Parlamenckaj Asamblei dziejačy biełaruska-eŭrapiejskaha zadzinočańnia Belhii praviali pikiet. Staršynia zadzinočańnia Źmicier Pimienaŭ kaža, što ŭdzielniki pratestavali suprać sprobaŭ asobnych eŭrapiejskich palitykaŭ pačać dyjaloh z Alaksandram Łukašenkam i jaho asiarodździem.
Z. Pimienaŭ: Hety pratest vyklikany vizytam eŭrapiejskaha palityka da dyktatara. My ličym, što heta čarhovaja sproba ŭbić klin u supolnuju pazycyju Eŭraźviazu j demakratyčnaj eŭrapiejskaj supolnaści, jakija vykonvajuć svaju histaryčnuju misiju j dapamahajuć u stanaŭleńni Biełarusi jak demakratyčnaj niezaležnaj dziaržavy. My ličym, što razmovy sa złačyncami niemahčymyja biaz poŭnaha ich raskajańnia ŭ ździejśnienych złačynstvach.
Udzielniki pikietu razdavali ŭlotki ź infarmacyjaj pra aktualnuju sytuacyju ŭ Biełarusi. Varta dadać, što biełaruska-eŭrapiejskaje zadzinočańnie Belhii dziejničaje ŭ horadzie Antverpan i abjadnoŭvaje palityčnych uciekačoŭ.
