Źniavolenamu aktyvistu niezarehistravanaj partyi «Biełaruskaja chryścijanskaja demakratyja» Jaŭhienu Vaśkoviču zrabili bolš žorstkim režym utrymańnia ŭ papraŭčaj ustanovie «Turma № 4».Try hady ź siami jon praviadzie za kratami va ŭmovach strohaha režymu. Pra heta aktyvist paviedamiŭ u liście svajoj maci.
«Jon piša: „12 kastryčnika mianie asudzili na try hady turmy. U toj ža dzień mianie pryvieźli ŭ turmu. 14 kastryčnika pieraviali ŭ kamieru. Siadzim utroch. U sieradu
Na joj dali dziesiać sutak karcaru za abrazu dziejučaj ułady. Potym dadavali jašče sutki. U ŠYZA pravioŭ tryccać sutak“.Ciapier, jak ja razumieju, jamu naležycca adno karotkačasovaje spatkańnie i adna banderolka na hod. U śniežni nibyta možna budzie atrymać spatkańnie».
***
Jaŭhiena Vaśkoviča i dvuch prychilnikaŭ idejaŭ anarchizmu Arcioma Prakapienku i Paŭła Syramałotava asudzili na siem hadoŭ pazbaŭleńnia voli ŭzmocnienaha režymu za napad na budynak babrujskaha KDB u kastryčniku 2010 hoda. Babrujski sud pryznaŭ ich vinavatymi ŭ złosnym chulihanstvie i ŭ naŭmysnym naniasieńni škody ŭ asabliva bujnych pamierach.
Vaśkovič pryznaŭ fakt napadu, ale nie pakajaŭsia. Prakapienka i Syramałotaŭ vinu pryznali i raskajalisia. U noč z 16 na 17 kastryčnika 2010 hodu chłopcy kinuli ŭ budynak KDB dźvie butelki z «kaktejlem Mołatava».
Da pieravodu ŭ turmu № 4 Vaśkovič adbyvaŭ pakarańnie ŭ mahiloŭskaj kałonii № 15. Vyzvaleny z hetaj kałonii palitviazień Alaksandr Maŭčanaŭ paviedamiŭ, što Jaŭhien Vaśkovič nie padparadkoŭvajecca zahadam administracyi kałonii, za što rehularna traplaje ŭ štrafny izalatar.