Pachavańnie členaŭ ekipaža MI-24 adbudziecca ŭ piatnicu

Pachavańnie členaŭ ekipaža Mi-24 adbudziecca 2 śniežnia ŭ vioscy Novyja Zasimavičy Pružanskaha rajona, dzie znachodzicca 181-ja bajavaja viertalotnaja baza VPS i vojskaŭ SPA Biełarusi.

Vajenny viertalot raźbiŭsia kala 19.45 pry zachodzie na pasadku ŭ rajonie aeradroma Pružany paśla vykanańnia płanavych vučebna-trenirovačnych palotaŭ. Katastrofa adbyłasia prykładna za paŭtara kiłamietry ad aeradroma. Usie try členy ekipaža bajavoj mašyny zahinuli. Heta kamandzir Aleh Kachno (1973 h.n.), šturman Dzianis Hłuščanka (1979 h.n.), bortinžynier Valeryj Babko (1968 h.n.).

Na miescy krušeńnia viertalota pracuje kamisija Ministerstva abarony. Bresckim mižharnizonnym vajennym prakuroram raspačata sprava na padstavie č. 2 art. 465 KK (parušeńnie praviłaŭ palotaŭ abo padrychtoŭki da ich abo inšych praviłaŭ ekspłuatacyi vajennych latalnych aparataŭ, u vyniku čaho mieła miesca pa nieaściarožnaści śmierć dvuch i bolš asob).

Zhodna z zahadam ministra abarony hienierał-lejtenanta Juryja Žadobina, u suviazi z praviadzieńniem rasśledavańnia časova prypynienyja paloty avijacyi Uzbrojenych sił Biełarusi.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH