Biełaruś padzialaje zakłapočanaść Rasii z nahody raźmiaščeńnia ŭ Jeŭropie elemientaŭ amierykanskaj supraćrakietnaj abarony (SRA). Ab hetym zajaviŭ siońnia A.Łukašenka, adkazvajučy na pytańni žurnalistaŭ, u čas rabočaj pajezdki ŭ Ivacevicki rajon.
«Ja sapraŭdy zajaŭlaŭ pra toje, što my zakłapočanaści i ryzyki Rasijskaj Fiederacyi pa abaranazdolnaści padzialajem, i nie prosta padzialajem — raźmiaščeńnie supraćrakietnych sistem u miežaŭ Rasii — heta, čytaj, la miežaŭ Biełarusi.
Heta našy miežy, pierš za ŭsio,— zajaviŭ Łukašenka. — My siońnia znachodzimsia pad abaronaj jadziernaha parasona Rasii. I kali nanosicca škoda intaresam hetaha parasona z boku jakoj by to ni było hrupoŭki, to heta škoda i niebiaśpieka dla nas».
«Značyć, ja, napeŭna, pravilna padzialaju hetuju zakłapočanaść, bo idzie ŭzmacnieńnie uzbrojenych sił NATA kala našych miežaŭ», — zaŭvažyŭ Łukašenka.
Pavodle jaho słoŭ, biełarusy i rasijanie — heta ludzi adnaho dreva, adnaho korania.«Ja heta kazaŭ i nie bajusia kazać. Rasiejcy nam nie vorahi — heta našy braty, i my ź imi pavinny zaŭsiody znachodzicca ŭ adzinaj sčepcy, kab vyžyć u hetym ciažkim śviecie, — padkreśliŭ Alaksandr Łukašenka. — Dziakuj bohu, što Rasija da nas tak stavicca.
Tak, byli roznyja momanty, było ŭsio, ale my siońnia pryjšli da taho, što my patrebnyja adzin adnamu.I Rasija zrazumieła — bieź Biełarusi «i nie tudy i nie siudy».
«Što tyčycca supraćrakietnaj abarony — heta naša zakłapočanaść, u tym liku tamu što heta ŭ našych miežaŭ», — jašče raz padkreśliŭjon.
Havoračy ab supracoŭnictvie z Rasijaj u harantavańni vajennaj biaśpieki, Łukašenka nahadaŭ, što na zachodnim napramku ŭ ramkach Sajuznaj dziaržavy ŭ dźviuch krain sfarmiravana rehijanalnaja hrupoŭka vojskaŭ, asnovu jakoj składaje biełaruskaja armija.
«75 tys. štykoŭ tut, u Biełarusi.My atrymlivajem pa ŭnutryrasiejskich cenach ŭzbrajeńnie, madernizujem. Jany iduć nam u hetym płanie nasustrač. My vykarystoŭvajem ich palihony, jaki navučajecca našych ludziej u ich vajennych VNU pa šerahu kirunkaŭ. To bok, u nas poŭnaja sučlenienaść i ŭzajemasuviaź», — adznačyŭ jon.
Što tyčycca pytańnia ab mahčymaści raźmiaščeńnia ŭ Biełarusi rasiejskich rakietnych kompleksaŭ «Iskander», Łukašenka pakinuŭ jaho biez kamientaroŭ.«Što datyčycca raźmiaščeńnia abo nie raźmiaščeńnia, možna skazać — biez kamientaroŭ. Ja pakul na hetuju temu havaryć nie budu. My viadziem pieramovy z Rasijaj pa ŭsich napramkach. Zakrytych tem dla abmierkavańnia niama, i,
kali treba, my budziem abaraniać ziamlu Smalenščyny, Pskoŭščyny jak svaje, i rasijanie buduć abaraniać Biełaruś jak svaju rodnuju ziamlu», — reziumavaŭ Alaksandr Łukašenka.
