Mikoła Statkievič u svaim liściez-za krataŭ zaklikaŭ demakratyčnyja partyi stvaryć šyroki ruch usich słajoŭ hramadstva, zdolny pierałamić situacyju ŭ krainie ŭ bok demakratyi.
«Na Płoščy 19 śniežnia minułaha hoda było ŭchvalena rašeńnie ab stvareńni Narodnaha ruchu „Za volnyja vybary“ i navat abrana jaho kiraŭnictva. Hetaje hałasavańnie dziasiatkaŭ tysiačaŭ prychilnikaŭ demakratyi vałodaje na hety momant najvyšejšaj stupieńniu lehitymnaści.
Praŭda, niekatoryja siabry Rady Ruchu asudzili mitynh, na jakim jany byli abranyja, i zhubili maralnaje prava na miesca ŭ Radzie.
Struktura Ruchu nie pavinna być centralizavanaj. Jaho arhanizacyi mohuć dziejničać jak aŭtanomna, tak i skaardynavana razam ź inšymi arhanizacyjami. Arhanizacyi vyłučajuć svaje inicyjatyvy i kaardynujuć dziejańni praź sieciva», — adznačaje Statkievič u svaim liście «Jak vyjści z tupika», apublikavanym na jaho persanalnym sajcie statkevich.org.
Pavodle palitviaźnia, adna z asnoŭnych zadačaŭ ruchu —
«ahitacyja, stvareńnie ŭ hramadztvie atmasfery pratestu, pieraadoleńnie strachu». Druhaja zadača — publičnyja akcyi.
«Meta akcyj — publična prademanstravać pratest, prymusić režym vyjavić pierad usim śvietam svoj brutalny charaktar», — piša Statkievič.
Jon prapanuje 19 śniežnia hetaha hoda, u dzień śviatoha Mikałaja, sabracca ŭ 18:00 sa śviečkami kala chramaŭ u bujnych haradach, a ŭ 22:00 (čas pačatku razhonu akcyi 19 śniežnia 2010 hoda) zaklikać ludziej zapalić śviečki ŭ voknach svaich kvater.
«Rada Ruchu», vałodajučy lehitymnaściu, moža vystupać ad imia demakratyčnych siłaŭ Biełarusi ŭ stasunkach z režymam, zamiežnymi arhanizacyjami i ŭradami. Rada pavinna davieści da zamiežnych partnioraŭ Biełarusi, što kredyty biełaruskaj uładzie biez ekanamičnych i palityčnych reform — heta rabaŭnictva budučych pakaleńniaŭ biełarusaŭ dziela praciahu ahonii režymu», — piša Statkievič.
Pavodle palitviaźnia,
demakratyčnyja partyi pavinny ŭziać udzieł u bližejšych parłamienckich vybarach.
«Pry adsutnaści prahresu ŭ demakratyzacyi vybarčaha zakanadaŭstva zadačami ŭdziełu demakratyčnych sił u parłamienckaj kampanii pavinny być: karystańnie lehalnymi mahčymaściami dla ahulnanacyjanalnaj ahitacyjnaj kampanii, praviadzieńnie skaardynavanych akcyj pratestu pa ŭsioj krainie ŭ farmacie sustreč z vybarščykami, zbor dokazaŭ falsifikacyi vybaraŭ», — adznačaje Statkievič.
