Prezident Łatvii Andrys Bierzińš paabiacaŭ, što rasiejskaja mova nikoli nie stanie druhoj dziaržaŭnaj, pakul jon na svajoj pasadzie, kali ž heta adbudziecca, to jon pryhraziŭ syści ŭ adstaŭku, paviedamlaje Hazieta.ru sa spasyłkaj na RIA Novosti.
Na minułym tydni ŭ Łatvii była sabranaja nieabchodnaja kolkaść podpisaŭ hramadzian u padtrymku nadańnia rasiejskaj movie statusu dziaržaŭnaj.
Zamiest 154 tysiač 379 podpisaŭ było sabrana bolš za 183 tysiač, nieabchodnych dla ŭniasieńnia adpaviednych papravak u parłamient.
«Adzinaje, što ja mahu paabiacać nakont movy: pakul štości ŭ hetaj spravie budzie zaležać ad mianie, takoha nie adbudziecca. A kali adbudziecca, to ja pakinu hetuju pasadu», — skazaŭ prezident žurnalistam.
Centralnaja vybarčaja kamisija Łatvii 1 listapada pačała zbor podpisaŭ za nadańnie rasiejskaj movie statusu druhoj dziaržaŭnaj. Zbor podpisaŭ pravodziŭsia da 30 listapada na śpiecyjalnych učastkach na ŭsioj terytoryi krainy.
Paśla zboru podpisaŭ papraŭki da kanstytucyi ab źmienie statusu rasiejskaj movy mohuć być pieradadzieny na razhlad u parłamient respubliki.
Kali parłamient adchilić papraŭki, budzie praviedzieny refierendum pa hetym pytańni.
