U Biełarusi buduć ukaraniony novyja padychody ŭ dziaržpadtrymcy kiniematahrafii. Adpaviedny ŭkaz № 567 «Ab mierach pa dziaržaŭnaj padtrymcy i stymulavańniu raźvićcia kiniematahrafii» 5 śniežnia padpisaŭ Alaksandr Łukašenka.
Dakumient padrychtavany ŭ chodzie realizacyi Kancepcyi raźvićcia kiniematahrafii Respubliki Biełaruś na 2009–2014 hady. Jon ustanaŭlivaje pryncypova novyja padychody dziaržaŭnaj padtrymki kiniematahrafii i dadatkovyja stymulujučyja miery jaje raźvićcia, jakija daduć mahčymaść sfarmiravać u Biełarusi sučasnuju kinaindustryju.
U metach stymulavańnia prytoku inviestycyj u kinavytvorčaść z ulikam zamiežnaha vopytu
praduhledžany pierachod ad poŭnaha da častkovaha (da 70% ad koštu kinastužki) biudžetnaha finansavańnia zdymak filmaŭ paAstatniuju sumu budzie ŭkładvać pradziusar za košt ułasnych srodkaŭ, kredytaŭ abo sponsarskaj dapamohi.sacyjalna-tvorčamu zakazu.
Biudžetnyja srodki buduć vydzialacca tolki na konkursnaj asnovie.Udzieł u konkursie zmohuć pryniać usie filmavytvorčyja arhanizacyi niezaležna ad formy ŭłasnaści. Abaviazkovaj umovaj atrymańnia dziaržaŭnaj padtrymki stanuć vykanańnie ŭsich rabot na terytoryi Biełarusi, a taksama ŭklučeńnie ŭ skład zdymačnaj hrupy nie mienš jak 70% hramadzian respubliki.
Uładalnikam majomasnych pravoŭ na film u doli biudžetnych srodkaŭ, układzienych u jaho vytvorčaść, budzie Ministerstva kultury. Jamu pradastaŭlena mahčymaść pieradavać, u tym liku na biazvypłatnaj asnovie, hetyja majomasnyja pravy vytvorcu filma. Atrymany im prybytak budzie raschodavacca na vytvorčaść filmaŭ, ich papularyzacyju siarod hledačoŭ, stvareńnie materyjalnaj bazy kinavytvorčaści.
Va ŭkazie praduhledžany dadatkovyja ekanamičnyja stymuły dla pryvatnych układańniaŭ u kiniematahrafiju.
Na vytvorčaść filmaŭ u ramkach
Vytvorcam bujnabiudžetnych filmaŭ, jakija pahladzieła bolš jak 80 tys. kinahledačoŭ krainy, budzie kampiensavacca 50 pracentaŭ ich pradziusarskich ryzyk.
Na vytvorčaść filmaŭ buduć taksama nakiroŭvacca srodki, atrymanyja ad realizacyi kantrolnych znakaŭ, jakija pryznačany dla markiroŭki aŭdyjavideanośbitaŭ z zapisami fanahram, aŭdyjavizualnych tvoraŭ, televizaraŭ.
Pryniaćcie ŭkaza daść mahčymaść pavysić mastacki ŭzrovień biełaruskaha kino za košt stvareńnia ŭ hetaj śfiery ekanamičnaj i tvorčaj kankurencyi. Dakumient taksama daść mahčymaść pryciahnuć pryvatnyja inviestycyi, stymulavać ažyćciaŭleńnie sumiesnaj kinavytvorčaści z zamiežnymi partniorami, raźvivać Nacyjanalnuju kinastudyju «Biełaruśfilm» jak univiersalnuju filmavytvorčuju arhanizacyju, jakaja adnačasova z vytvorčaściu ŭłasnaj pradukcyi budzie vykonvać funkcyi kinafabryki dla biełaruskich i zamiežnych majstroŭ kino.
Realizacyja hetaha narmatyŭnaha pravavoha akta adkryje novy etap u raźvićci nacyjanalnaha kiniematohrafa, budzie sadziejničać adradžeńniu i prymnažeńniu jaho tradycyj, realizacyi tvorčaha patencyjału biełaruskich majstroŭ kino.
Ukaz ustupaje ŭ siłu z 1 studzienia 2012 hoda.
