Hod tamu nie stała Volhi Samusik

Hod tamu 7 śniežnia nie stała śpiavački, žurnalistki dy prosta žyćciaradasnaj dziaŭčyny Volhi Samusik. Joj było tolki 25 hadoŭ, ale za taki karotki žyćciovy šlach jana pakinuła zaŭvažny śled u biełaruskaj rok-muzycy. Razam ź lehiendarnym hurtom zygimontVAZA Volha zapisała albom Distortion. Paralelna pryjšła śpiavać ŭ «Tarpač». Paźniej zapisała niekalki piesień z adnoŭlenym hurtom Hasta la Fillsta. Volha supracoŭničała z B:N:, NeuroDubel, ZM99, The UNB, brała ŭdzieł u prajektach Lavona Volskaha «Krambambula» i «Takoha niama nidzie». U 2008 hodzie na «Rok-karanacyi» Volha atrymała tytuł «Rok-kniazioŭna».

8 śniežnia ŭ staličnym Loft Cafe adbudziecca dabračynny kancert pamiaci Volhi Samusik.

Usie zaroblenyja hrošy ad kvitkoŭ pieradaduć baćkam śpiavački na ŭstalavańnie pomnika.

«Zrazumieła, chaciełasia sabrać usie hurty, u jakich jana ŭdzielničała, chaciełasia b sabrać usich ludziej, ź jakimi jana pracavała, — dzielicca zadumaj arhanizatar kancerta i vakalistka hurta ZM99 Zoja Sachončyk. — Ale niekatoryja zaprošanyja muzyki ŭ nas zabaronienyja. Ich źjaŭleńnie na scenie aŭtamatyčna pryvodzić da zakryćcia kłuba. My nie možam takoha dazvolić. Ale jany buduć siadzieć za stałami — prosta prysutničać u kłubie».

U vyniku na kancercie-pamiaci Volhi Samusik vystupiać hurty ZM99, Pomidor/OFF, IQ48 dy hurt Tarpach.

Pačniecca mierapryjemstva, a 20-j hadzinie. Kvitki kaštujuć 30 tysiač — na tancpoł i 50 tysiač — za stolikam

Illa Malinoŭski, Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH