Vizavy režym z Turcyjaj mohuć admianić u studzieni 1

Biełaruś i Turcyja hatovy da padpisańnia pahadnieńnia ab biaźvizavych pajezdkach hramadzian.

Pra heta zajaviŭ turecki pasoł Džavat Niezisi Azkaja 7 śniežnia na sustrečy sa staršynioj savieta respubliki Anatolem Rubinavym.

Dypłamat paviedamiŭ, što sustreča ministraŭ zamiežnych spraŭ dźviuch krain płanavałasia 6 śniežnia, ale ŭ hetyja dni kiraŭniki źniešniepalityčnych viedamstvaŭ znachodziacca na forumie ABSIE ŭ Vilni.

Miarkujecca, što kiraŭnik MZS Turcyi naviedaje Biełaruś u studzieni ci lutym nastupnaha hoda. Azkaja zaznačyŭ, što «heta vielmi važnaje pahadnieńnie». Jon skazaŭ, što ŭ pryncypie dla biełarusaŭ prablemy nie isnavała, bo jany atrymlivali vizy ŭ tureckich aeraportach, «ale tut vielmi važny psichałahičny momant». «Dla Biełarusi Turcyja — heta turystyčny napramak № 1. Heta vielmi važny momant, tamu što ŭsio pačynajecca z kantaktaŭ pamiž ludźmi», — skazaŭ pasoł. Pavodle jaho infarmacyi, pa kolkaści inšaziemcaŭ, jakija naviedvajuć Biełaruś, hramadzianie Turcyi znachodziacca na trecim miescy.

«U nas skłalisia vielmi dobryja adnosiny, niama nijakich supiarečnaściaŭ ni ŭ palitycy, ni ŭ ekanomicy. Viektar raźvićcia vielmi stanoŭčy. Pastajanna naroščvajecca patencyjał ekanamičnaha supracoŭnictva», — zajaviŭ u svaju čarhu Rubinaŭ. Jon zaznačyŭ, što kiraŭniki dźviuch krain pavažliva staviacca da taho, što adbyvacca ŭ krainie-partniory. «Pavaha da prava dziaržavy raźvivacca pa ŭłasnym šlachu źjaŭlajecca asnovaj dla plonnaha supracoŭnictva na mižnarodnaj arenie», — padkreśliŭ śpikier savieta respubliki.

Jon kanstatavaŭ najaŭnaść niebłahich adnosinaŭ pamiž parłamientaryjami dźviuch krain i zajaviŭ, što ŭ Biełarusi čakajuć ź vizitam kiraŭnika Vialikaha nacyjanalnaha schodu Turcyi. Z 1992 hoda vizitu takoha kštałtu ŭ Minsk nie ažyćciaŭlałasia.

Dypłamat pahadziŭsia z tym, što Rubinaŭ skazaŭ pra biełaruska-tureckija adnosiny. «Turcyja hanarycca tym, što była pieršaj krainaj, jakaja pryznała niezaležnaść Biełarusi», — zajaviŭ jon i nahadaŭ, što 20-hodździe ŭstanaŭleńnia dypłamatyčnych adnosinaŭ pamiž Biełaruśsiu i Turcyjaj budzie adznačacca ŭ nastupnym hodzie. Azkaja paviedamiŭ, što tureckija inviestycyi za hety pieryjad pieravysili 1 młrd. dołaraŭ.

Biełaruska-turecki tavaraabarot u 2010 hodzie skłaŭ 362,2 młn. dołaraŭ, za dzieviać miesiacaŭ 2011 hoda — 308,4 młn. Biełaruski ekspart sioleta pieravysiŭ 80 młn. dołaraŭ, impart z Turcyi — 228 młn.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH