«Biełarusnafta» płanuje brać udzieł u raspracoŭcy radoviščaŭ u Nihieryi

Dziaržaŭnaje vytvorčaje abjadnańnie «Biełarusnafta» płanuje supracoŭničać ź nihieryjskaj kampanijaj New Fields Oil and Gas Services Limited, havorycca ŭ paviedamleńni pres-słužby «Biełarusnafty».

Pavodle infarmacyi pres-słužby, delehacyja nihieryjskaj kampanii praviała pieramovy z kiraŭnictvam «Biełarusnafty». Baki abmierkavali mahčymaści dla supracoŭnictva. «Siarod patencyjalnych kirunkaŭ uzajemadziejańnia nazyvalisia asvajeńnie biełaruskimi śpiecyjalistami reštkavych zapasaŭ, akazańnie servisnych i navukova-kansultacyjnych pasłuh pa raspracoŭcy radoviščaŭ u Nihieryi, ukaranieńnie našych technałohij pa pavyšeńni naftaaddačy płastoŭ», — havorycca ŭ paviedamleńni.

Pa vynikach pieramoŭ baki padpisali miemarandum ab supracoŭnictvie. «Pradstaŭniki nihieryjskaj kampanii praanalizujuć atrymanuju ŭ Homieli infarmacyju dla vypracoŭki dalejšaj sumiesnaj stratehii pa raspracoŭcy radoviščaŭ», — paviedamlaje pres-słužba.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH