«U toj dzień, jak srodki masavaj infarmacyi paviedamlajuć, što «Kazulin vitaje praviadzieńnie masavych akcyjaŭ apazicyi», što «Kazulin nazvaŭ adkryty list Milinkieviča hulnioj pavodle praviłaŭ Łukašenki», što «Kazulin patrabuje ad Hienieralnaha prakurora pryciahnuć da adkaznaści Łukašenku», u toj čas, jak Iryna Kazulina vystupała pierad Jeŭrapiejskim parłamientam, na sajcie Telegraf.by sa spasyłkaj na Radyjo Polonia źjaŭlajecca infarmacyja, što «Partyja Kazulina hatovaja da pieramovaŭ z Łukašenkam».
U hetaj infarmacyi čytajem: «Zamiestitiel hłavy partii BSDP (Hramada) Konstantin Moroz v intiervju polskomu izdaniju Dziennik zajavił, čto jeho partija hotova načať pieriehovory s priezidientom Biełarusi Aleksandrom Łukašienko. «My chotim pokazať, čto v takom trudnom połožienii, v kotorom okazałaś naša strana, my hotovy k pieriehovoram. Nieiźviestno, vospolzujetsia li etim prihłašienijem Aleksandr Łukašienko», — zajavił Konstantin Moroz».
Hetaje vykazvańnie Kanstancina Maroza nielha nazvać uzvažanym. Jano nie adlustroŭvaje aficyjny punkt hledžańnia partyi. Miž tym majecca aficyjnaja, vypracavanaja kiraŭnictvam Biełaruskaj sacyjał‑demakratyčnaj partyi (Hramady) pazicyja ŭ pytańni mahčymych pieramovaŭ z uradam. Jana pryniata 9 studzienia h. h.
Partyja ličyć, što hałoŭnym instrumientam vyjścia z kryzisu moža być kaalicyjny ŭrad z udziełam pradstaŭnikoŭ biełaruskaj demakratyi. Hety ŭrad pavinien mieć paŭnamoctvy pravodzić novuju ŭnutranuju sacyjalna‑ekanamičnuju i šmatviektarnuju źniešniuju palityku.
Adnak sacyjał‑demakraty ličać, što pierš‑napierš ciapierašni ŭrad pavinien vykanać viadomyja, uzhodnienyja usimi demakratyčnymi siłami krainy umovy:
– vyzvalić palityčnych viaźniaŭ: Alaksandra Kazulina, Mikałaja Statkieviča, Paŭła Sieviarynca, Źmiciera Daškieviča, Artura Fińkieviča dy inšych;
– adnavić niezaležnaść ŚMI, likvidavać faktyčnuju cenzuru i administracyjnyja pieraškody dla raspaŭsiudžańnia infarmacyi.
Heta tyja minimalnyja patrabavańni, biez vykanańnia jakich pieramoŭny praces niemahčymy. Nastupnymi krokami pavinny stać likvidacyja administracyjnych pieraškod dla raźvićcia hramadzianskaj supolnaści, u tym liku palityčnych partyj, i pierahlad ciapierašniaha vybarčaha zakanadaŭstva.
Voś što pavinien byŭ skazać namieśnik staršyni BSDP (Hramady) Kanstancin Maroz , dajučy intervju vydańniu «Dzennik». Kali jon hetaha nie skazaŭ, to nam zastajecca tolki škadavać pra toje.
Fota Julii Daraškievič
