Na sajcie minskaj milicyi źjaviłasia infarmacyja pra razhon učorašniaj akcyi la Čyrvonaha kaścioła, pryśviečanaj hadavinie Płoščy.
Pavodle minskaj milicyi, la kaścioła sabrałasia kala 50 čałaviek.
«U miescy zboru hramadzian supracoŭnikami milicyi viałasia aktyŭnaja tłumačalnaja praca ab niedapuščalnaści zboru i praviadzieńnia niesankcyjanavanych mierapryjemstvaŭ. Adnak parušalniki na zakonnyja patrabavańni nie reahavali».
«U metach spynieńnia parušeńniaŭ hramadskaha paradku pry praviadzieńni masavych mierapryjemstvaŭ i ŭstanaŭleńnia asoby 46 najbolš aktyŭnych udzielnikaŭ akcyi byli dastaŭlenyja ŭ terytaryjalnyja RUUS stalicy dla razhladu», — zaznačajecca ŭ
Paśla vyśviatleńnia asobaŭ 14 udzielnikaŭ akcyi byli adpuščanyja, a ŭ dačynieńni da 32 składzienyja administracyjnyja pratakoły pa artykułach 9.4 (nievykanańnie abaviazkaŭ pa vychavańniuidziaciej), 23.34 (Parušeńnie paradku arhanizacyi abo praviadzieńnia masavaha mierapryjemstva abo pikietavańnia) i 17.1 (Drobnaje chulihanstva) Kodeksa ab administracyjnych pravaparušeńniach.
Słuchańni spraŭ siońnia projduć u sudzie Maskoŭskaha rajona stalicy.
