Były vice-premjer Kabiakoŭ: «Rasija — nie prosta kraina, heta — Radzima» 18

Pasoł Biełarusi ŭ Rasii Andrej Kabiakoŭ, jaki siem hadoŭ vykonvaŭ abaviazki vice-premjera Biełarusi, u intervju haziecie «Sajuz. Biełaruś-Rasija», pryznaŭsia, jakuju krainu jon ličyć rodnaj:

«Dla mianie Rasija — nie prosta kraina, heta — Radzima.

Dy i maja žonka taksama maskvička… Choć ja ŭ Maskvie paśla naradžeńnia pražyŭ usiaho try hady: u mianie baćka — vajskovy lotčyk-źniščalnik. Jon tady vučyŭsia ŭ stalicy ŭ Akademii. A potym, da 16 hadoŭ, ja žyŭ u Biełarusi. U Minsku skončyŭ škołu. Darečy, baćka rodam z-pad Tuły, a mama — z horada Puškina, jaki ciapier uvachodzić u skład Sankt-Pieciarburha. Ale ŭsio svajo žyćcio, los jany źviazali ź Biełaruśsiu. Potym ja pryjazdžaŭ u Maskvu vučycca — u avijacyjny instytut na piać z pałovaj hadoŭ. Voś i ŭsia maja maskoŭskaja bijahrafija. I tak volaju losaŭ atrymałasia, što my ź siamjoj apynulisia ŭ Biełarusi, i ŭsia karjera, usio žyćcio maja vybudavalisia tam».

Andrej Kabiakoŭ naradziŭsia ŭ 1960 hodzie ŭ Maskvie. Skončyŭ Maskoŭski avijacyjny instytut, Biełaruski instytut narodnaj haspadarki i Instytut palitałohii i sacyjalnaha kiravańnia KPB.

Pracavaŭ staršyniom Dziaržkantrola, vice-premjeram, ministram ekanomiki, namieśnikam kiraŭnika Administracyi prezidenta.

Kabiakoŭ — adzin z bieźličy vysokich łukašenkaŭskich čynoŭnikaŭ, jakija naradzilisia nie ŭ Biełarusi. Ale chiba nie pieršy, chto adkryta akcentavaŭ uvahu na tym, što jon nie ŭsprymaje Biełaruś jak svaju radzimu.

Nashaniva.com