Ciapier zachvaralnaść na vostryja reśpiratornyja infiekcyi (VRI) u Biełarusi znachodzicca na nieepidemičnym uzroŭni, raspaŭsiudžany pieravažna niehrypoznyja reśpiratornyja virusy. Ab hetym karespandentu BIEŁTA paviedamili ŭ Respublikanskim centry hihijeny, epidemijałohii i hramadskaha zdaroŭja (RCHEiHZ).
Z pačatkam u Biełarusi zimovych kanikuł miedyki prahnazujuć źnižeńnie zachvaralnaści na VRI. U hety čas dzieci i padletki značna mienš času pravodziać u arhanizavanych kalektyvach, ryzyka padchapić infiekcyju ad prastudžanaha adnakłaśnika źnižajecca značna.
Razam z tym RCHEiHZ nahadvaje ab važnaści vykanańnia prafiłaktyčnych mier — naprykład, zahartoŭvańnia. Kali ž infiekcyi paźbiehnuć nie ŭdałosia, śpiecyjalisty rekamiendujuć zakryvać tvar pry kašli i čchańni, časta myć ruki i pa mahčymaści zastavacca na čas chvaroby doma. Vykanańnie hetych elemientarnych pravił paskoryć vyzdaraŭleńnie, a taksama daść mahčymaść praduchilić raspaŭsiudžvańnie virusa.
Pavodle danych suśvietnaj arhanizacyi achovy zdaroŭja, u Jeŭrapiejskim rehijonie za biahučy tydzień łabaratorna paćvierdžanyja vypadki hrypu taksama nie rehistravalisia. Častata zvarotaŭ pa miedycynskuju dapamohu ŭ suviazi z hrypapadobnymi zachvorvańniami i vostrymi reśpiratornymi infiekcyjami znachodzicca na pieradsiezonnym uzroŭni.
