Kamitet dziaržkantrolu praduchiliŭ niezakonnuju vypłatu biudžetnych srodkaŭ na sumu bolš za 1,5 młrd rubloŭ, dapuščanuju praz zavyšeńnie koštu vykananych budaŭničych rabot.
Bolš čym na 1,5 młrd rubloŭ rubloŭ byŭ zavyšany košt budaŭnictva sietak i zbudavańniaŭ mikrarajona № 1 u horadzie Asipovičy. Taki vierdykt vynieśli pradstaŭniki Babrujskaha mižrajonnaha kamiteta dziaržaŭnaha kantrolu padčas praviadzieńnia płanavaj pravierki asipovickaha UKPP «Kapitalnaje budaŭnictva».
Jak vyjaviłasia, prajektavalnikam (AAT «Instytut «Mahiloŭhramadzianprajekt») byli dapuščanyja pamyłki ŭ
Padčas pravierki vyjaŭlenyja i inšyja parušeńni. U pryvatnaści, pradpryjemstvam było dapuščanaje samavolnaje zaniaćcie ziamielnaha ŭčastka i budaŭnictva na im inžyniernych zbudavańniaŭ, pieravyšeńnie (na 7–9,5 miesiacaŭ) narmatyŭnych terminaŭ budaŭnictva abjektaŭ, zališniaje vystaŭleńnie vydatkaŭ na ŭtrymańnie zakazčyka (technahladu) pa piaci abjektach (14,7 młn rubloŭ), dapuščanyja parušeńni pry praviadzieńni padradnych tarhoŭ, abychodžańni z abjektami raślinnaha śvietu, viadzieńni buchhałtarskaha ŭliku i inš.
Ahułam pa vynikach pravierki Kamitetam dziaržkantrolu sekanomlena 1,58 młrd rubloŭ dziaržaŭnych srodkaŭ,u biudžet pieraličanyja kampiensacyjnyja vypłaty ŭ pamiery 8,45 młn rubloŭ, dyscyplinarnyja spahnańni nakładzienyja na troch rabotnikaŭ. Va ŭstalavanym paradku razhladajecca pytańnie ab pryciahnieńni da administracyjnaj adkaznaści pradpryjemstva i jaho rabotnikaŭ.