KDB papiaredziŭ byłoha palitviaźnia Aleha Korbana ab jaho «piersanalnaj adkaznaści za «ekstremisckija akcyi». 30 śniežnia supracoŭniki KDB zatrymali lidara «Maładych demakrataŭ» la doma, dzie jon žyvie. U budynku KDB na praśpiekcie razmova supracoŭnikaŭ KDB z Korbanam doŭžyłasia kala hadziny. Słužboŭcaŭ cikavili «ekstremisckija akcyi», jakija na ich dumku, rychtujucca padčas śviatkavańnia Novaha hodu, płany AHP i «Maładych demakrataŭ» na navahodnija śviaty.
Aleha Korbana papiaredzili, što jon niasie piersanalnuju adkaznaść, kali moładzievaja arhanizacyja AHP budzie pravodzić jakija-niebudź akcyi. Paśla hetaha jaho adpuścili biez składańnia papieraŭ.
Pavodle słovaŭ Korbana, napiaredadni hetaksama byŭ zatrymany i znachodzicca ŭ KDB siabar «Maładych demakrataŭ» Alaksandr Ściepanienka.
29 śniežnia 5 sutak administracyjnaha aryštu za, nibyta, brydkasłoŭje, atrymaŭ jašče adzin aktyvist Andruś Krečka.