Fota: BiełaPAN.
Hienieralny dyrektar AAT «Tut baj miedyja» (interniet-partał Tut.by) Jury Zisier paviedamiŭ na svajoj staroncy ŭ Fejsbuku, što jon «uziaŭ tvorčy adpačynak» i syšoŭ z hetaj pasady.
«Hetaje rašeńnie śpieła daŭno, bo ja nastolki zakapaŭsia ŭ apieratyŭnym kiravańni, što za drevami pierastaŭ bačyć les. Tamu my vyrašyli, što mnie treba zasiarodzicca na stratehii i adyści ad apieratyŭnaha kiravańnia, kab ja moh pracavać nad pierśpiektyŭnymi pytańniami.
Vyrašyli, što ja vaźmu niešta nakštałt tvorčaha adpačynku — da vosieni. Ale pavodle biełaruskaha zakanadaŭstva takoha paniaćcia, jak „tvorčy adpačynak“, u nas niama, bolš čym na miesiac brać adpačynak nie dazvolena, navat za svoj košt.
Tamu ja pakul pieradaju paŭnamoctvy svajoj namieśnicy pa pravavych pytańniach Ludmile Čekinaj.Sam ja tym časam zaŭtra vylataju adpačyvać, u lutym budu padarožničać u ekzatyčnych krainach. Nu, i spadziajusia pačać pisać knihu».
«Ci źmianilisia niejak adnosiny Tut.baj ź biełaruskimi ŭładami za hod, što prajšoŭ paśla prezydenckich vybaraŭ, abo ŭsio zastałosia, jak było i raniej?»
«Usio było jak i raniej. Nichto nie zaminaje pracavać. Tut navat bolš i niama čaho skazać. Kali vy dumajecie, što ŭ maim rašeńni byŭ niejki cisk zvonku, to — nie.
Majo rašeńnie daŭno naśpiavała, ja 20 hadoŭ kiruju firmaj i prosta stamiŭsia. Ničoha nie źmienicca ni dla Tut.baj, ni dla jahonych karystalnikaŭ.Va ŭmovach našaha kryzisu i hłybokaj stahnacyi rynku interniet-rekłamy treba dumać, na čym jašče možna zarablać».
