Z 6 studzienia buduć štrafavać za parušeńnie patrabavańniaŭ internet-filtracyi 3

U Biełarusi z 6 studzienia ŭstupajuć u siłu źmianieńni i dapaŭnieńni ŭ Kodeks ab administracyjnych pravaparušeńniach (KoAP) i Pracesualna-vykanaŭčy kodeks ab administracyjnych pravaparušeńniach (PVKoAP), jakija praduhledžvajuć administracyjnuju adkaznaść za parušeńnie patrabavańniaŭ pa vykarystańniu nacyjanalnaha siehmienta sietki Internet.

Z 6 studzienia štraf moža nakładacca na internet-pravajdara za parušeńnie patrabavańniaŭ ab abmiežavańni dostupu karystalnikaŭ internet-pasłuh da infarmacyi, zabaronienaj dla raspaŭsiudžvańnia ŭ adpaviednaści z zakanadaŭčymi aktami. Abaviazkovaja internet-filtracyja ŭviedziena tolki dla dziaržaŭnych orhanaŭ, vyklučajučy siłavyja viedamstvy, i ŭstanoŭ adukacyi. Dla ŭsich astatnich internet-dostup mohuć abmiežavać tolki pa žadańniu samoha karystalnika.

Štraf za parušeńnie patrabavańnia ab abmiežavańni internet-dostupu moža skłaści ad 10 da 30 bazavych vieličyń (350 tys. — 1 młn 50 tys._.

Akramia taho, ciapier praduhledžana administracyjnaja adkaznaść dla apierataraŭ pieradačy danych, internet-kafe i kampjutarnych kłubaŭ u tym vypadku, kali jany nie ažyćciaŭlajuć identyfikacyju abanienckich ustrojstvaŭ pry akazańni internet-pasłuh i (abo) karystalnikaŭ internet-pasłuh u punktach kalektyŭnaha karystańnia, ulik i zachoŭvańnie źviestak ab abanienckich ustrojstvach, piersanalnych danych karystalnikaŭ internet-pasłuh, a taksama źviestak ab akazanych internet-pasłuhach. Za parušeńnie hetych patrabavańniaŭ štraf moža skłaści ad 5 da 15 bazavych vieličyń.

Taksama štraf moža nakładacca na indyvidualnych pradprymalnikaŭ i jurydyčnych asob,

jakija realizujuć tavary abo akazvajuć pasłuhi, vykarystoŭvajučy resursy, sietki i sistemy, padklučanyja da Internetu i raźmieščanyja nie ŭ Biełarusi. Da administracyjnaj adkaznaści jurydyčnaja asoba moža być pryciahnuta taksama za vykarystańnie ŭ kamiercyjnych metach internet-resursu, jaki nie prajšoŭ dziaržaŭnuju rehistracyju. U vypadku parušeńnia hetych patrabavańniaŭ jurydyčnaja asoba abo IP mohuć atrymać štraf u pamiery ad 10 da 30 bazavych vieličyń.

Słužbovyja asoby orhanaŭ unutranych spraŭ, orhanaŭ Kamiteta dziaržaŭnaha kantrolu, padatkovych orhanaŭ i orhanaŭ dziaržaŭnaj biaśpieki nadzieleny paŭnamoctvami na składańnie pratakołaŭ ab administracyjnych pravaparušeńniach, praduhledžanych źmianieńniami i dapaŭnieńniami ŭ KoAP i PVKoAP.

Patrabavańni ab identyfikacyi abanienckich ustrojstvaŭ i da ažyćciaŭleńnia kamiercyjnaj dziejnaści z vykarystańniem infarmacyjnych sietak, sistem i resursaŭ nacyjanalnaha siehmienta sietki Internet praduhledžany ŭkazam № 60 ad 1 lutaha 2010 hoda «Ab mierach pa ŭdaskanaleńniu vykarystańnia nacyjanalnaha siehmienta sietki Internet»

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH