Biełaruś płanuje ŭsio ž pradać MTS u studzieni 2

Ułady Biełarusi płanujuć zaviaršyć ździełku pa prodažy dziarždoli ŭ biełaruska-rasijskim STAA «Mabilnyja TeleSistemy» da kanca studzienia 2012 hoda. Ab hetym havorycca ŭ acency spravazdačy Ministerstva finansaŭ Biełarusi ab vykanańni ŭmoŭ druhoha tranša kredytu Antykryzisnaha fondu JeŭrAzES (AKF). Acenka padrychtavana Jeŭrazijskim bankam raźvićcia (JEABR), jaki źjaŭlajecca kiraŭnikom srodkami AKF.

«Pa asobnym hrafiku pravodziacca pieramovy pa prodažy akcyj „Biełtranhazu“ (2,5 młrd. dołaraŭ) i MTS (1 młrd. dołaraŭ). Zaviaršeńnie hetych ździełak namiečana na kaniec listapada hetaha hoda i kaniec studzienia 2012 hoda adpaviedna», — havorycca ŭ acency JEABR, tekst jakoj maje BiełaPAN.

Nahadajem, na aŭkcyjon vystaŭlajecca 51-pracentnaja dola ŭ statutnym fondzie STAA «Mabilnyja TeleSistemy», jakaja znachodzicca va ŭłasnaści Biełarusi i haspadarčym kiravańni RUP «Biełtelekam».

Pieršapačatkova aŭkcyjon płanavaŭsia na 1 śniežnia, zatym biez tłumačeńnia pryčyn jaho pieranieśli na 23 śniežnia. Adnak 21 śniežnia vice-premjer Anatol Kalinin paviedamiŭ, što Biełaruś abjavić novy konkurs pa prodažy dziarždoli ŭ «MTS».

«Byli try prapanovy, ale tarhi nie adbylisia», — skazaŭ Kalinin. Siarod pryčyn jon nazvaŭ nieadpaviednaść prapanoŭ pa canie i niapoŭny pakiet padadzienych dakumientaŭ.

Pry hetym vice-premjer padkreśliŭ, što Biełaruś nie płanuje źnižać košt pakieta akcyj, jaki vystaŭlajecca. «Paśla druhoj sproby prodažu akcyj źnižać canu, ja dumaju, niapravilna», — dadaŭ Kalinin.

U sakaviku 2011 hoda Alaksandr Łukašenka zajaŭlaŭ, što Biełaruś hatova sastupić rasijskamu apierataru «MTS» 51% u biełaruska-rasijskim SP za 1 młrd. dołaraŭ, u advarotnym vypadku pakiet budzie vystaŭleny na aŭkcyjon.

***

STAA «Mabilnyja TeleSistemy» zarehistravana 4 krasavika 2002 hoda. Statutny fond — 5 młn. dołaraŭ. Zasnavalnikami źjaŭlajucca RUP «Biełtelekam» (51% statutnaha fondu) i rasijskaje AAT «Mabilnyja TeleSistemy» (49%). Kamiercyjnaja ekspłuatacyja sietki sotavaj suviazi standartu GSM 900/1800 pačałasia 27 červienia 2002 hoda. Kamiercyjnuju ekspłuatacyju sietki 3G apieratar pačaŭ u mai 2010 hoda.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH