Biełaruś i Rasija praciahvajuć pieramovy ab źmienie taryfu na transparciroŭku rasijskaj nafty

Praciahvajucca pieramovy ab umovach źmieny taryfu na transparciroŭku rasijskaj nafty pa biełaruskaj terytoryi ŭ krainy Jeŭropy, paviedamili BiełaPAN u Ministerstvie ekanomiki Biełarusi.

Padrabiaznaści pieramoŭnaha pracesu, jaki Rasija i Biełaruś viaduć sa śniežnia minułaha hoda, nie raskryvajucca. Pavodle nieaficyjnaj infarmacyi, biełaruski bok nastojvaje na 20-pracentnym pavieličeńni dziejnaj taryfnaj staŭki.

Apošnim razam taryf na tranzit rasijskaj nafty pa terytoryi Biełarusi pavyšaŭsia 1 lutaha 2011 hoda na 12,5%. Taryf tranzitu pa napramku Unieča (Vysokaje) — Adamova Zastava składaje 165,52 rasijskaha rubla za tonu nafty; Unieča (Vysokaje) — Brody — 71,09; Nieviel (Vysokija Łuki) — Połack — Vysokaje — 20,62.

Zhodna z biełaruska-rasijskimi damoŭlenaściami, lubaja źmiena taryfaŭ na tranzit nafty pavinna być ekanamična abhruntavanaja. Svaje płany pa pavieličeńni koštu tranzitu ŭ Minsku tłumačać źmienami ŭmoŭ pa pierapampoŭvańni nafty, jakija, u svaju čarhu, stali vynikam padaražańnia enierhanośbitaŭ.

Analityki nie vyklučajuć uźniknieńnia sprečak pa hetym pytańni.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH