Ambasadar Rasiejskaj Federacyi ŭ Biełarusi A. Surykaŭ zajaviŭ u interviju hazecie «Źviazda», što ŭ vypadku abvastreńnia
U zajavie Rady BNR havorycca, što Surykaŭ taksama «daŭ zrazumieć, što Maskva budzie pieraškadžać vytvorčaści lehkavych aŭtamabilaŭ na terytoryi Biełarusi, kali jana budzie naładžanaja ŭ abychod intaresaŭ Rasiei».
«Hetyja zajavy, — havorycca ŭ zajavie, —
vyjaŭlajuć sapraŭdnaje, imperskaje staŭleńnie Rasiei da niezaležnaści našaj krainy.Nie sakret, što tolki dziakujučy Rasiei Łukašenka znachodzicca pry ŭładzie — paćvierdžańnie hetamu i kryzis 1996 hodu, kali «maskoŭski desant» uratavaŭ Łukašenku ad impičmentu, i tak zvanyja vybary 2001, 2006, 2010 hodu, pierad jakimi Kreml vydatkoŭvaŭ łukašenkaŭskamu režymu miljardnyja kredyty.
Nasupierak pamyłkovamu i raspaŭsiudžanamu ŭjaŭleńniu, Rasieja nie źjaŭlajecca donaram Biełarusi. U vypadku, kali b ŭ 1994 hodzie byŭ abrany eŭrapiejski šlach raźvićcia, pramysłovy, tranzytny i, najpierš, čałaviečy, intelektualny patencyjał dazvalaŭ Biełarusi ciaham niekalkich hadoŭ stać naroŭni z postsavieckimi krainami Ŭschodniaj Eŭropy. Adnak palityka prarasiejskaha kiraŭnika krainy, uciahvańnie Biełarusi ŭ vajskovuju systemu ADKB, jakaja kantralujecca maskoŭskim Hienštabam, raźmiaščeńnie rasiejskich vajskovych bazaŭ, — pastavili zasłonu pamiž Biełaruśsiu i demakratyčnymi eŭrapiejskimi krainami. Vykarystoŭvajučy Biełaruś jak najvažniejšy dla svaich stratehičnych intaresaŭ vajskovy placdarm, Maskva raspłačvajecca z Łukašenkam padačkami, jakich, adnak, chapaje, kab padtrymlivać iluziju ekanamičnaj stabilnaści. Va ŭsialakim razie, chapała da apošniaha času. Ekanamičny kryzis, devalvacyja nacyjanalnaj valuty pastavili ŭładu Łukašenki pad pahrozu, adnak i tut Maskva pryjšła jamu na dapamohu.
Uzamien Rasieja damahłasia jašče bolšaj palityčnaj i ekanamičnaj zaležnaści Biełarusi — praz uvachod našaj krainy ŭ t. zv. Mytny źviaz dy poŭny kantrol nad «Biełtranshazam»— śćviardžajecca ŭ zajavie.
Rada BNR piša što «nieadnarazova źviartała ŭvahu na imperskuju palityku Rasiei ŭ dačynieńni da Biełarusi; ciapier ža hetaja palityka stvaraje realnuju pahrozu biełaruskaj niezaležnaści. Rasieja nikoli nie padtrymlivała demakratyčnyja pamknieńni biełaruskaha hramadztva; pakazalna, što aficyjnaja Maskva ni słova nie skazała ŭ abaronu biełaruskich palityčnych viaźniaŭ».
Zakančvajecca zajava Rady BNR nastupnym ćvierdžańniem: «Rasiejski ambasadar Surykaŭ i raniej dazvalaŭ sabie vykazvańni, jakija vychodzili
Ciapierašnija jahonyja zajavy vyjaŭlajuć absalutna niedapuščalnaje dla dyplamata ŭmiešvańnie va ŭnutranyja spravy suverennaj krainy.Rada BNR ličyć, što spadar Surykaŭ pavinien być abvieščany „personaj non hrata“ i nieadkładna pakinuć terytoryju Biełarusi. U vypadku, kali heta nia budzie zroblena ciapier — heta pavinna budzie zrabić novaja demakratyčnaja ŭłada, niezaležna ad taho, jakuju pasadu budzie zajmać ciapierašni rasiejski ambasadar».