Maładafrontaviec byŭ adličany paśla taho, jak adbyŭ 15 sutak za akcyju salidarnaści, što prajšła 19 śniežnia 2011 hoda kala Čyrvonaha kaścioła ŭ Minsku.
Uradženiec Mioraŭ Uładzimir Jaromienak vučyŭsia na trecim kursie fakulteta kampjutarnaha prajektavańnia Biełaruskaha dziaržaŭnaha ŭniviersiteta infarmatyki i radyjoelektroniki.
Paśla padziejaŭ na Kastryčnickaj płoščy ŭ 2010 hodzie jon byŭ asudžany na try z pałovaj hady ŭzmocnienaha režymu, ale byŭ daterminova vyzvaleny 13 žniŭnia 2011 hoda. Tady jamu ŭdałosia adnavicca na vučobie.
Pry kancy vieraśnia, uUładzimira Jaromienka asudzili tady na 12 sutak aryštu, i va ŭniviersitecie jaho papiaredzili, što novy administracyjny aryšt nieminuča stanie padstavaj dla adličeńnia.20-ju hadavinu abviaščeńnia «Pahoni» ibieł-čyrvona-biełaha ściaha dziaržaŭnymi simvałami Biełarusi, jon razam z Nastaj Pałažankaj sprabavaŭ vyviesić ściahi ŭ centry Minska, ale ich zatrymali.
Paśla apošniaha zatrymańnia, sudu i aryštu na 15 sutak tak jano i stałasia.
Jaromienak: «Mnie patelefanavali z univiersiteta, skazali, što ja adličany i mušu zabrać dakumienty. Aficyjnaj pryčyny, napisanaj u zahadzie, ja pakul nia viedaju, bo pa dakumienty jašče nie chadziŭ».
Chłopiec dumaje pra toje, kab praciahvać vučobu, ale ŭžo nie ŭ Biełarusi.
0
0
0
0
0
0
