Źmicier Chviedaruk, suprać jakoha razam z maładafrontaŭcam Aleham Korbanam 4 lutaha była ŭzbudžanaja kryminalnaja sprava za dziejnaść ad imia niezarehistravanaha Małałoha Frontu, atrymaŭ aficyjnaje paviedamleńnie ab tym, što sprava była pieradadzienaja ŭ prakuraturu.
Pastanova padpisana kapitanam KDB Dźmitryjem Śvistunom, jaki praktyčna j kiruje pracesam pa arhanizacyi represijaŭ u dačynieńni da biełaruskaje moładzi j vykanańniem zahadaŭ vyšejšaha kiraŭnictva. Nahadajem, što mienavita hety supracoŭnik KDB kiravaŭ niezakonnymi dziejańniami bajcoŭ specnazu j pradstaŭnikoŭ kamitetu «...» biaśpieki pad čas zatrymańnia 27‑mi rehijanalnych i mienskich lideraŭ Maładoha Frontu 4‑ha lutaha na pasiedžańni Centralnaje Rady moładzievaha nacyjanalnaha ruchu.
