U Babrujsku aŭrał pierad pryjezdam Łukašenki — fota 10

Uvieś minuły tydzień u Babrujsku (Mahiloŭskaja vobłaść) u aŭralnym režymie pryvodzili ŭ paradak vulicy. Praŭda, nie ŭsie, a pierš za ŭsio Kastryčnickuju i Bacharova, pa jakich, jak čakajecca, projdzie kartež Alaksandra Łukašenka ŭ časie jaho vizitu ŭ horad, jaki čakajecca 20 studzienia.

Pracy iduć tolki z boku prajeznaj častki —

rabotniki kamunalnych słužbaŭ farbujuć u ružovy i śvietła-zialony koler fasady damoŭ, prypynki transpartu i płaty, čyściać tratuary, abrazajuć drevy, zamianiajuć vadaściokavyja truby.

Dzie-nidzie ŭstaloŭvajuć novyja płaty i aharodžy i navat mianiajuć dachi damoŭ.

Praŭda,

z-za novych płatoŭ sa śviežymi papiaredžańniami «afarbavana» nie-nie dy i vylezuć ubohaść i nieŭładkavanaść,

piša BiełaPAN.

Darečy, u 2007 hodzie

vykazvańni Łukašenki pra dobraŭparadkavanaśćBabrujska ledź nie stali nahodaj dla mižnarodnaha skandału.

Padčas pres-kanfierencyi pierad rasiejskimi žurnalistami 12 kastryčnika 2007 hoda Łukašenka zajaviŭ: «Kali vy byli ŭ Babrujsku, vy bačyli, u jakim stanie horad? Strašna było zajści, śvinušnik byŭ. Heta ŭ asnoŭnym jaŭrejski byŭ horad, vy viedajecie, jak jaŭrei staviacca da taho miesca, dzie jany žyvuć. Pahladzicie ŭ Izraili, ja voś byŭ… Ja ni ŭ jakim razie nie chaču ich pakryŭdzić, ale jany nie vielmi kłapociacca, kab padstryžana trava była, jak u Maskvie, u rasijan, biełarusaŭ». U adkaz Dziaržava Izrail časova adklikała pasła, nazvaŭšy hetyja zajavy antysiemickimi.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH