2 śniežnia Piakarski jašče tłumačyŭ, čamu Kanavałaŭ i Kavaloŭ vinavatyja. Fota Siarhieja Hudzilina.
Pavodle źviestak BiełaPAN, u adpaviednaści z ukazam Łukašenki adpraŭleny ŭ adstaŭku pieršy namieśnik ministra ŭnutranych spraŭ — načalnik kryminalnaj milicyi MUS pałkoŭnik milicyi Aleh Piakarski.
Vysoki čyn MUS zvolnieny ŭ zapas Uzbrojenych sił nibyta za ździajśnieńnie ŭčynkaŭ, što dyskredytujuć zvańnie supracoŭnika milicyi.
Na pasadu pieršaha namieśnika kiraŭnika MUS Piakarski byŭ pryznačany 4 śniežnia 2009 hoda.Da hetaha jon uznačalvaŭ hałoŭnaje ŭpraŭleńnie pa baraćbie z arhanizavanaj złačynnaściu MUS. Jašče raniej — upraŭleńnie pa narkakantroli i supraćdziejańni handlu ludźmi.
Čutki pra budučuju adstaŭku Piakarskaha źjavilisia ŭ siaredzinie śniežnia minułaha hoda paśla zatrymańnia namieśnika kiraŭnika MUS — načalnika milicyi hramadskaj biaśpieki Jaŭhiena Połudzienia. Ale tady išła havorka pra toje, što Piakarski sam napisaŭ prašeńnie ab adstaŭcy.
Hladzi jašče: Ni ŭ Śledčym kamitecie, ni ŭ KDB niama infarmacyi ab raspačynańni kryminalnaj spravy na Aleha Piakarskaha.