Alaksandr Łukašenka pryznačyŭ Ihara Šunieviča pieršym namieśnikam ministra ŭnutranych spraŭ — načalnikam kryminalnaj milicyi.
«Miarkuju, toj dośvied, jaki vy nabyli ŭ KDB, vielmi vam karysny, ale naahuł vy — prafiesijny śpiecyjalist Ministerstva ŭnutranych spraŭ, vy słužyli na ŭsich pasadach u MUS, viedajecie jaho znutry, dobra viedajecie vynik — heta taksama dla nas vielmi važna.
Ale samaje hałoŭnaje — praca ŭ KDB (a apošnim časam vy jakraz zajmalisia kantrolem, možna prosta skazać, pracy pravaachoŭnych orhanaŭ) dała vam mahčymaść ubačyć znutry ŭsie prablemy Ministerstva ŭnutranych spraŭ»,— adznačyŭ Łukašenka, źviartajučysia da Ihara Šunieviča.
Łukašenka padkreśliŭ, što novamu pieršamu namieśniku ministra ŭnutranych spraŭ nieabchodna rychtavacca da bolš surjoznych zadačaŭ, jakija pryjdziecca vykonvać.«Hałoŭnaje — biez ahladki brać na siabie adkaznaść i, naturalna, adkazvać za pryniatyja rašeńni», — skazaŭ jon.
«Raju vam ź pieršaha ž dnia pakazać, što vy nie prosta čałaviek, jaki pryjšoŭ z KDB u MUS, jak heta ŭ nas lubiać kazać i papisvać asobnyja pisaki, što, maŭlaŭ, u nas ci ledź nie baraćba idzie pamiž KDB, MUS i hetak dalej.Pavinien skazać: što KDB, što MUS — heta dźvie struktury, jakija pracujuć na dziaržavu. Ale, pryjšoŭšy tudy, vy pavinny vyrazna pakazać, što pryjšoŭ śpiecyjalist, jaki viedaje znutry MUS i pahladzieli z boku na hetuju strukturu», — adznačyŭ Alaksandr Łukašenka.
Ihar Šunievič u orhanach unutranych spraŭ prachodziŭ słužbu z žniŭnia 1992 h. pa śniežań2007-ha , u orhanach dziaržaŭnaj biaśpieki — sa śniežnia 2007 hoda.
Nahadajem, što ŭčora stała viadoma, što vyzvaleny ad pasady pieršaha namieśnika ministra ŭnutranych spraŭ Aleh Piakarski.
0
0
0
0
0
0