U minskim Pałacy mastactvaŭ raspačaŭsia Druhi fiestyval biełaruskaha duchoŭnaha mastactva. Padčas jaho mastak Aleś Puškin prezientavaŭ instalacyju, pryśviečanuju źnikłym ludziam.Centram instalacyi staŭ abraz «Abjaŭleńnie Maci Božaj adzyskańnia zahinuŭšych i źnikłych».
Paśla aficyjnaj častki
niekatoryja naviedniki vystavy prymacavali la abraza partrety palitykaŭ i žurnalistaŭ, jakija źnikli ci pamierli pry zahadkavych abstavinach za apošnija 17 hadoŭ — Juryja Zacharanki, Aleha Biabienina, Źmitra Zavadskaha, Anatola Krasoŭskaha, Hienadzia Karpienki.
Dyrekcyja muzieja adreahavała adrazu.
Na pytańnie «čyja heta palityčnaja akcyja?» adzin z naviednikaŭ adkazaŭ «maja»,paśla čaho dyrektar Pałaca mastactvaŭ prymusiŭ jaho źniać partrety i hruba vyciahnuŭ z pamiaškańnia, dzie mieściłasia vystava.
Ź instalacyi źniali i tekst Alesia Puškina: «Upadak duchoŭnaści našaha nasielnictva apošnim časam nabyvaje pahroźlivyja, katastrafičnyja maštaby, — piša Puškin pra instalacyju. —
Nadoječy prynieśli mnie zdehradavanyja, nieadnarazova asudžanyja ludzi, žyć siarod jakich, na svajoj małoj radzimie, u miastečku Bobr Krupskaha rajona, ja zrabiŭ svoj vybar — Abraz.Paprasiŭšy sumu hrošaŭ ekvivalentnuju piaci butelkam partviejnu. I ja ŭbačyŭ u hetaj padziei znak… Ja pryvioŭ Abraz hety ŭ naležny stan — i voś Jon, pierad Vami!
Pryśviačajecca60-hodździu Juryja Zacharanki".
Sam Aleś Puškin, jaki padčas incydenta razam ź inšymi naviednikami hladzieŭ batlejku ŭ inšym kancy zały, prakamientavaŭ zdareńnie tak: «Ja adnaviŭ Abraz, kupleny ŭ pjanic i paviesiŭ jaho na vystavie. A
toje, što adbyłosia — heta zrabiŭ narod, a narod, jak viadoma, tvorca svajoj epochi».
0
0
0
0
0
0
