SBP abviaščaje konkurs maładych piśmieńnikaŭ «Ekślibrys» 8

HA «Sajuz biełaruskich piśmieńnikaŭ» abviaščaje konkurs maładych piśmieńnikaŭ «Ekślibrys».

Hety hod vydaŭsia nadziva bahatym na jubilei kłasikaŭ biełaruskaj litaratury: u 2012-m spoŭnicca 200 hadoŭ z dnia naradžeńnia Paŭluka Bahryma, 130 — Jakuba Kołasa i Janki Kupały, 125 — Alesia Haruna i Ciški Hartnaha, 100 — Maksima Tanka, 95 — Janki Bryla, 75 — Michasia Stralcova… Słavutym jubilaram Sajuz biełaruskich piśmieńnikaŭ i pryśviačaje hety konkurs.

Da ŭdziełu ŭ litaraturnym spabornictvie prymajucca:

• Prazaičnyja tvory

• Paezija

• Dramaturhija

• Litaraturnaja krytyka

• Pierakłady mastackich tekstaŭ na biełaruskuju movu

• Pierakłady tvoraŭ biełaruskich piśmieńnikaŭ na ruskuju movu

Uziać udzieł u konkursie mohuć piśmieńniki, litaraturnyja krytyki i pierakładčyki, nie starejšyja za 35 hadoŭ.

Teksty na konkurs možna dasyłać da 1 traŭnia 2012 na adras sbp@lit-bel.org, abaviazkova (!) paznačyŭšy temaj lista «Ekślibrys». U liście musić być infarmacyja pra imia, proźvišča, datu naradžeńnia ŭdzielnikaŭ, ich kantaktnyja numary telefonaŭ i e-mail.

U žury konkursu «Ekślibrys» uvajšli:

Eduard Akulin, Iryna Bahdanovič, Aksana Danilčyk, Viktar Žybul, Aleś Paškievič, Barys Piatrovič, Ludmiła Rubleŭskaja, Michaś Skobła, Andrej Chadanovič.

Pa vynikach konkursu budzie praviedzienaja viečaryna ŭznaharodžańnia pieramožcaŭ. Tvory finalistaŭ buduć nadrukavanyja ŭ časopisie «Dziejasłoŭ» i haziecie «Litaraturnaja Biełaruś», ich aŭtary atrymajuć mahčymaść naviedać litaraturnyja majstar-kłasy, jakija praviaduć viadomyja biełaruskija piśmieńniki.

Pa skančeńni konkursu pry SBP pačnie pracavać Škoła maładych litarataraŭ.

0

0

0

0

0

0

Presavaja słužba SBP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH