«Možacie źbiracca svaim pakojem i hladzieć choć niekalki razoŭ za sutki» 39

Pavodle jaho słovaŭ, supracoŭnikaŭ KDB cikaviać tyja navučency, jakija majuć ŭ ahulnym dostupie apazicyjnyja materyjały — filmy «Płošča», «Zvyčajny prezident» i inš. Najčaściej vyklikajuć studentaŭ jurfaka.

«Ja student, vučusia na adnym z fakultetaŭ BDU, žyvu ŭ internacie.

Mnie patelefanavaŭ namieśnik dekana i vyklikaŭ na razmovu. Dla mianie heta było zusim niečakana», — piša Pavał (imia źmienienaje — NN).

«Pryjšoŭ u damoŭleny čas. Zachodžu. U kabiniecie, akramia mianie i namieśnika dekana, siadzić jašče adzin čałaviek.

Jon byŭ apranuty ŭ niejki śvitar i skuranuju kurtku, vielmi padobny da handlovych ahientaŭ, jakija chodziać pa arhanizacyjach. Mnie skazali, što mianie vyklikali na surjoznuju razmovu, a hety nieviadomy čałaviek — z KDB. Dakumientaŭ jon nie pakazvaŭ. Razmaŭlaŭ karektna, bieź cisku i «najezdaŭ».

Dalej Pavał pieradaje tekst razmovy.

— Ci sustrakalisia Vy raniej z supracoŭnikami KDB?

— Nie, nikoli.

— Viedajecie, čamu my z Vami zaraz razmaŭlajem?

— Nie, nie viedaju.

— Ci majecie Vy jakoje-niebudź dačynieńnie da apazicyi ci niejkich ruchaŭ?

— Nie maju, mianie nie cikavić sučasnaja palityka.

— Ci karystajeciesia Vy Flylink'am?

— Tak, karystajusia. Heta prahrama dla abmienu fajłami ŭ našaj sietcy. A što takoje?

— Nu, voś my z maimi kalehami znajšli ŭ Vas u ahulnym dostupie filmy «Płošča», «Zvyčajny prezident» i šmat videa z «Majdanu-2010». Vy viedajecie, što hetyja materyjały palityčnyja i zabaronieny dla raspaŭsiudžvańnia?

— Što palityčnyja, viedaju dakładna. A pra zabaronu, nu, ja nikoli pra heta nie čuŭ, u nas u siecivie šmat u kaho jeść.

— A ŭ kaho? Proźviščy?

— Dy sami pahladzicie, Vy ž mianie znajšli. Ja prosta pahladzieŭ hetyja filmy, ich zabaroniena hladzieć?

— Hladzieć nie zabaroniena. Možacie źbiracca svaim pakojem i hladzieć choć pa niekalki razoŭ za sutki. Ale voś kali Vy pačynajecie raspaŭsiudžvać — heta rabić nielha.

— Dobra, ja siońnia ž vydalu ich sa śpisu.

— Kali łaska.

— A mnie za heta što-niebudź budzie? Ja nie viedaŭ pra toje, što nielha adčyniać u ahulny dostup takija materyjały. Mnie vielmi patrebny internat…

— Na siońniašni momant ja Vas papiaredziŭ, budziem ličyć pytańnie začynienym. Ale! Ja chaču, kak Vy razumieli, što ja mahu lehka zajści da rektara albo dyrektara studharadka, navat zaraz mahu. Vy mienia razumiejecie?

— Kaniečnie, ja usio zrazumieŭ. A Vy ŭsich vyklikajecie na razmovy?

— U sensie?

— Nu voś u siecivie vielmi lohka znajści, naprykład, porna.

— Pa-pieršaje, takija materyjały taksama nielha vykidvać u sieciva, u našaj krainie za heta adkaznaść. Pa-druhoje,

Vy ž pavinny zrazumieć, što nas cikaviać materyjały, jakija mohuć paŭździejničać na vas. Kab vy nie sapsavali svajo žyćcio.

U sietkach jość ludzi, jakija handlujuć narkotykami, raspaŭsiudžvajuć infarmacyju, jak rabić vybuchovyja pryłady, zaklikajuć na «Majdany». My pavinny abaraniać vas — moładź — ad hetaha.

— Ja ŭsio zrazumieŭ.

— Spadziajusia, pra našu razmovu buduć viedać tolki try čałavieki, jakija zaraz u pakoi, dobra?

— Dobra, možna iści?

— Tak, da pabačeńnia.

Voś taki dakumient epochi pieradali ŭ «Našu Nivu». Jon pakazvaje, jakija filmy turbujuć Kamitet dziaržaŭnaj biaśpieki pry Alaksandru Łukašenku. I atmaśfieru ŭ našych «svabodnych» univiersitetach, dzie namieśniki dekanaŭ atrymlivajuć novyja «funkcyi», pieradaje taksama. A sam

fakt, što student vyrašyŭ zapisać razmovu i dasłać jaje ŭ niezaležnuju hazietu, krasamoŭna pakazvaje, što taki palityčny kantrol junakoŭ razdražniaje, zdajecca im marazmatyčnym.

NN.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH