Z 1 lutaha pasolstva hetaj krainy budzie pracavać pa novym adrasie.
Z 1 lutaha pasolstva Šviecyi ŭ Minsku budzie pracavać u novym budynku pa adrasie vuł. Revalucyjnaja, 15, paviedamlaje pres-słužba dypłamatyčnaha pradstaŭnictva.
U suviazi ź pierajezdam pasolstva nie budzie pracavać 26–27 i 30–31 studzienia. U hetyja dni nie buduć prymacca zajavy na vydaču viz i vidu na žycharstva, a terminy razhladu zajavak mohuć być padoŭžanyja.
Vizavy adździeł adnović pryjom zajavak 2 lutaha.
***
U budynku na Revalucyjnaj, 15 u 1920-ja hady znachodziŭsia słavuty Instytut biełaruskaj kultury (Inbiełkult), što zatym staŭ pravobrazam Akademii navuk, u 1990-ja-2000-ja hady tut pracavaŭ Navukova-daśledčy centr imia Francyska Skaryny, redakcyja «Biełaruskaha knihazboru», Zhurtavańnie biełarusaŭ śvietu «Baćkaŭščyna».
