Centralnaje RUUS Minska pravodzić pravierku pa fakcie sproby rabavańnia nieviadomym internet-kramy.
Jak paviedamiła pres-aficer RUUS Śviatłana Kabkova, 18 studzienia apieratyŭniki zatrymali hramadzianina Rasii, jaki pradstaviŭsia Siarhiejem Paŭłavičam Nieŭskim. U Minsku jon na sutki arandavaŭ kvateru pa vulicy Kisialova pad imiem Siarhieja Ivanaviča Kulikova. U milicyi jość padstavy mierkavać, što abodva imiony vydumanyja. Jak stała viadoma, rasiejec zamoviŭ u internet-kramie try mabilnyja telefony Aprle iPhone ahulnym koštam $3 tysiačy.
Kurjera, jaki dastaviŭ tavar, mužčyna sustreŭ u miedycynskaj mascy, rastłumačyŭšy, što chvory na suchoty.Adnak pryčyny dla vykarystańnia maski byli inšyja — pakupnik namiervaŭsia abrabavać rabotnika internet-kramy, ale nie paśpieŭ, pakolki jaho zatrymali supracoŭniki milicyi.
Ciapier patencyjny rabaŭnik znachodzicca ŭ centry izalacyi pravaparušalnikaŭ HUUS Minharvykankama. Milicyja sprabuje vyśvietlić jaho asobu. U apieratyŭnikaŭ jość padstavy mierkavać, što
zatrymany datyčny da ździajśnieńnia šerahu anałahičnych złačynstvaŭ u stalicy.